居港日本人極力推介移民香港！2點大讚「人生變得多姿多彩」 網民：好高興你鍾意香港
發佈時間：17:53 2025-11-14 HKT
香港擁有獨特的中西文化，以及融合都市及自然的迷人景觀，令不少人心嚮往之。近日，一位居港6年的日本人在社交平台上發文，指最近得悉「有日本後生仔想移民過嚟香港」，遂以自身經驗極力推介，並分2點大讚香港讓他「人生變得多姿多彩！」帖文引起網民熱議，有網民笑言：「反而好多香港人留言叫啲日本人唔好嚟」、「香港人諗盡辦法去日本，你就叫日本人去香港」；也有網民溫馨留言：「好高興你鍾意香港，祝生活愉快！」即看下文了解詳情。
居港日本人極力推介移民香港！2點大讚「人生變得多姿多彩」
近年移民人潮未見停歇，但原來在港人移居外地的同時，仍有不少外國人想移民香港？最近，一名移民香港6年的日本人「Lingmuk （鈴木）」在Threads上發文，指近日得悉「有日本後生仔想移民過嚟香港」，遂分享自己移民的心境。
鈴木在帖文中提到，他在2015年21歲時訂立了移民香港的目標，並在2019年正式移民，之後「一次都冇諗過返番去日本」，也「完全冇後悔」這個決定，「移民嚟香港嘅理由好簡單，就係鍾意香港」。雖然移港初期難以適應，「頭三年非常辛苦（19年至21年），自己一個喺屋企喊咗好多次。」不過，隨著他逐漸融入香港節奏，他也成功找到理想的生活，「我依家一路做全職，一路做content creator，亦都跑埋全馬同埋山賽」，更「年年都可以挑戰新嘢」，讓人生變得多姿多彩！除此之外，香港的的自然景觀豐富，也讓熱愛運動的他十分享受！
鼓勵日本年輕人挑戰自己：加油後生仔
鈴木在帖文中極力推介移民香港，並指香港是一個可以感受到「一分耕耘，一分收穫」的城市，「喺香港付出嘅努力一定會回本」，因此他鼓勵日本年輕人挑戰自己，勇敢踏出第一步，「如果我一直都留喺日本嘅話，做唔到咁多嘢，如果你想挑戰自己嘅話，香港會啱你，加油日本後生仔！」
網民：好高興你鍾意香港
帖文引起網民熱議，不少網民留言感謝鈴木熱愛香港，「好本事！香港人係香港生存都唔易，外國人更加難」、「加油呀，見過你真人仲勁好傾
覺得你好nice，人又有禮貌，廣東話又講得好好，希望你鍾意香港，熱愛香港，繼續開開心心，幸福健康順利生活」、「你的中文好好真係好勁，香港歡迎你，多謝你鍾意香港。」
也有網民發現，在其中一個日本人表示想移居香港的帖文下，有大量港人持反對意見，「但係見好多香港人留言叫啲日本人唔好嚟，而且大部分有留言既香港人都係在日港人，真係『城裡的人想逃出來，城外的人想衝進去。』」、「香港人諗盡辦法去日本，你就叫日本人去香港。」
圖片及資料來源：[email protected]、Threads@ryutaro_flutter
文：Y
延伸閱讀：移英港人呻職場突收警告信 遭下屬指控2宗罪「有啲無奈」 網民：唔好搬香港嗰套過去
