港人好奇香港駕駛執照「點解有毛？」原來暗藏1防偽技術網民：算唔算係「毛牌駕駛」

更新時間：16:10 2025-11-13 HKT
發佈時間：16:10 2025-11-13 HKT

香港的駕駛執照暗藏玄機？近日，有網民發現香港駕駛執照內有多條「毛毛」，遂在社交平台上發問，「到底點解香港車牌入面會有咁多毛？」帖文引起網民熱議，有網民爆笑回覆：「算唔算係『毛牌駕駛』」、「比你塞車嗰陣數」、「過膠個人冇做laser脫毛」；但也有網民認真解答，指車牌內之所以會有「毛毛」是暗藏了1種防偽技術，即看下文了解詳情。

港人好奇香港駕駛執照「點解有毛？」原來暗藏1防偽技術

近日，有網民在Threads上發文，直言「有個問題困擾咗我好耐」，就是「到底點解香港車牌入面會有咁多毛？」根據樓主分享的駕駛執照圖片，現今的駕駛執照是信用卡大小的綠色過膠卡，入面有一條條猶如「頭髮碎」的「毛毛」，隨機分佈在駕駛執照上。

其實，這是稱為「馬毛紙」的防偽纖維紙，透過在造紙前將紅藍等有色纖維摻入紙漿內，或是在紙張未定型前撒在紙張表面製成。在一般燈光下可以看見不規則的紅色及藍色馬毛纖維，但在特定燈光之下則會呈現出不規則的橙色及藍色隱形紫外光馬毛纖維，方便以此來分辨真偽。除此之外，市面上也較難買到馬毛纖維紙，變相能提高其防偽性。而除了駕駛執照外，香港的出世紙及死亡證也同樣使用馬毛紙製成，防止偽造。

網民笑言：算唔算係「毛牌駕駛」

帖文引起網民熱議，有網民搞笑留言：「考完車牌要留低兩三條毛，做生物認證」、「比（俾）你塞車嗰陣數」、「運輸署同你個教車師傅嘅一份祝福」、「過膠個人冇做laser脫毛」、「係車到努力後留落嚟嘅腳毛」、「算唔算係『毛牌駕駛』？」也有眼利網民認出這是防偽技術，「呢啲係馬毛紙，古早英國防偽造文書技術，原意係如果張證唔完整啲毛就會斷開，咁就知張嘢改過」、「好似話係一種防偽嘢」、「呢個喺香港用咗好耐嘅防偽方法之一，仲有啲證書係用緊呢類紙做防偽」、「其實我都覺得好樣衰，不過發現係防偽技術」、「舊式防偽呀！」

圖片及資料來源：Threads@ackerpinkman、Dcard、政府一站通、運輸署

文：Y