食客聞茶記開會檢討「點解無人流」歸咎態度？列5點建議改善硬件 街坊批：唯一可取係價錢平
發佈時間：11:15 2025-11-09 HKT
香港食肆嘆經濟環境惡劣，生意難做，食客則批評香港餐廳品質下降，大不如前。有食客近日幫襯荃灣一間茶餐廳，偶然聽到店員正在檢討餐廳「點解無人流」，當下因「怕醜」未有即時提出建議，後來在社交平台發文列出5點建議，如餐廳環境、食物質素等，直言「態度真係無乜大問題，搞好硬件先。」亦有街坊指出該茶餐廳「唯一可取係價錢平。」詳情即看下文！
食客聞茶記開會檢討「點解無人流」歸咎態度？列5點建議改善硬件
近日，有食客光顧一間位於荃灣的茶餐廳，偶然聽到店員正在開檢討大會，討論餐廳「點解無人流」，最後更歸咎是態度問題。樓主當下未有即時向他們提出建議，後來決定在社交平台專頁發文，並列出5大改善重點，直言「態度真係無乜大問題，搞好硬件先好嘛。」
樓主指出，該茶餐廳首要處理冷氣不足的問題，表示自己屬「怕凍」體質，惟身處餐廳內仍「出緊汗」；至於食物品質及衛生方面，樓主形容辣椒油樽「油浸咁」，而其點選的沙爹牛肉米粉中，沙爹牛肉「得一舊夾得起但係根，香口膠咁」。另一方面，樓主認為餐廳使用紙飲管沒有問題，惟不建議使用木棍，因木棍「有味」，影響凍飲味道。樓主又指，店員質素亦有改善空間，「坐係落單位隔離，都重覆左（咗）兩次先落啱，希望係個別事件。」
網民嘆餐飲業變「業餘性質」：老闆唔識，員工更加唔識
帖文一出，隨即有疑似街坊批評餐廳「唯一可取係價錢平」，亦有曾光顧的食客認為餐廳的確需要改善衛生環境，「呢間嘢我之前有食開，一間普通麻甩佬茶餐廳。態度無乜問題，但係環境差，檯櫈比較污糟。價錢唔係特別平。嘢食唔係特別好食，一般頹飯質素。講漏咗：張檯唔止污糟，仲有啲臭。好懷疑佢抹檯塊布有冇洗過。」
有網民留言表示，其實餐廳要處理的問題「好簡單，亦都係基本野（嘢）」；有人則批評，目前有不少餐飲都是「業餘性質」，「基本嘢乾淨整齊老闆又唔識，員工更加唔識」。有網民則認為到茶餐廳吃飯無需太過講究，「幾草野食個茶餐都咁多意見，唔講以為去大酒店食飯」、「食39蚊嘅嘢，店方不接受任何投訴」。
文：TF
資料及圖片來源：香港茶餐廳及美食關注組@facebook、電影《爸爸》劇照
延伸閱讀：文具佬馬鞍山店結業倒數 長文5點剖白輸到8位數「最沉重嘅一課」 感謝業主/供應商/同事體諒
————
