颱風樺加沙︱10號風球後家居災情大盤點！露台變Infinity Pool／爆櫃似地震／玻璃爆到防火門 網民︰每次打完風都懷疑人生！
發佈時間：14:17 2025-09-24 HKT
颱風樺加沙︱家居災情︱超強颱風樺加沙襲港，港人經歷了一整晚驚心動魄的十號風球之夜，感受到「風王」颶風級的威力。本港除了多區及多個屋苑被「風王」重創外，就算身處屋內也難以避過，今日（9月24日）有大批網民在社交平台上分享「家居災情」，原來窗戶漏水已屬僥倖，有人的屋企露台甚至變成Infinity Pool、儲物櫃爆開猶如地震後般，非常震撼！
颱風樺加沙家居災情大盤點！「風王」重創網民屋企
天文台於昨日（23日）凌晨2時40分發出十號颶風信號，不少網民都在社交平台上表示感到「風王」颱風樺加沙的威力，除了整晚都感到大廈被強風「吹到搖吓搖吓」、「 嘭嘭聲」外，更「成晚囉囉攣，完全瞓唔著」。今早更有大批網民在Threads上分享「家居災情」，猶如經歷「末日」及「地震」般。
露台變水塘/Infinity Pool 儲物櫃爆開似地震
從一位網民上載的圖片所見，他居住平台戶，於露台擺放了多個儲物高櫃、膠花盆等，但全部被颱風掃落地上，連防水膠地板也吹至七零八落。而其中一個用皺紋膠紙封口的高身儲物櫃，內裡的雜物更被「吹」至爆開四散地上，貌似經歷過一場地震般。
另外，有位家中有露台的網民，更揶揄自己「驘咗99.9%香港人」，皆因外面大風大雨，不停拍打在玻璃上，加上排水似乎有問題，露台瞬間變成了infinity pool。而資深傳媒人查小欣亦都在Threads上分享，指屋企「露台向東，食正東南烈風…露台變水塘」，自己亦一早做好準備，「將露台枱椅、植物全部搬入屋，亦係咁多年嚟，首次在當風的露台門貼上膠紙」，不過今早10號波期間依然感覺床在搖晃，真正感受到「颶風肆虐」。
走廊連環爆玻璃 網民︰執嘢執到懷疑人生
有位住香港東區的網民亦表示，屋苑走廊的防火門於十號風球期間「連環爆玻璃」，從分享的圖片所見，多度防火門上玻璃碎裂，門框亦被吹爛，玻璃碎更散落走廊一地；另外有網民亦指家中的抽氣扇、牆身，甚至大門的門鎖也被吹爛，可見樺加沙威力有多強勁。
這些帖文一出，都引來大批網民留言，有人表示「每次打完風都執嘢執到懷疑人生」，但慶幸「人冇事就好」、「無嘢飛落街已經好好」；亦有網民建議事主，打風前應該要將雜物預先拆下，無論是「天台又好， 露台又好，打風係要執嘢」，以防有意外發生。
資料來源︰Threads
延伸閱讀︰颱風樺加沙｜「所有門關上不易吹爆窗」？網上瘋傳「工程師」防風貼士真唔真？ K Kwong咁解說
