樂富自提點近百人排隊打蛇餅街坊取件慘呻排足1.5小時「衰過去主題樂園」網民：時間換金錢

更新時間：16:53 2025-09-17 HKT
發佈時間：16:53 2025-09-17 HKT

網購熱潮持續，有內地網購平台更相繼推出包郵到港優惠，導致香港多區自提點經常爆滿，大批市民需要排隊輪候取件。最近，有港人在社交平台分享在樂富一個自提點取件的情況，指到場後發現「打蛇餅」，目測有近100人排隊等候取件，形容「冇見過一個自提點條隊長到咁」，最終事主等候約1小時20分鐘才成功領取包裹，不滿表示「完全冇諗過拎個淘寶都可以排咁X耐」，即看詳情！

樂富自提點近百人排隊取件街坊慘呻排足1.5小時「衰過去主題樂園」

香港網購熱潮下，自提點取件的排隊問題屢見不鮮。有港人在社交平台Threads發文，指日前到樂富商場一個自提點取件，惟到場時發現門外大排長龍，相當誇張！據事主分享的影片所見，現場約有逾百人正在排隊等候取件，人龍更延伸至鄰近商場的通道「打蛇餅」，形容「冇見過一個自提點條隊長到咁」，直言比起在主題樂園排隊等候玩機動遊戲的體驗更差，「真係衰過去迪士尼海洋公園」。

事主最終花費約一個半小時才成功取件，大呻「完全冇諗過拎個淘寶都可以排咁X耐」，又指出區內的自提點數量不足，在大量包裹同時湧入的情況下，經常出現大排長龍的情況，「樂富就開多幾個自提點啦」。

網民：買得就預咗時間唔值錢

事件迅速在網上發酵，有網民同樣對自取點數量少感不解，指出「唔知點解上面菜鳥又冇再用，我上次排都只係順豐櫃度排，都排左（咗）9個字左右」，對此有人留言表示「無肉食咪唔做」、「舖要租金，人要工資」，加上工時長等，認為經營自取點不容易；另有網民表示為避免排隊，網購時會選擇送貨上門，「所以不嬲都係送到屋企門口，舒舒服服唔使煩」、「識人住樂富街市後面宏乜樓果邊都係送貨上門，好似冇聽過佢哋話要去排隊攞嘢」。

有網民則認為「時間換金錢」，「買得淘寶就預左（咗）時間唔值錢」，又笑言「你就好啦，拎個淘寶有去主題樂園嘅體驗」。此外，有網民猜測「商場應該好快唔畀佢做」，認為排隊情況持續加劇，或有機會影響鄰近商場運作，又指出「有冷氣咪好，我見到其他地方要排室外，依啲天氣真係恭喜」。

來源：Threads