港人呻母沉迷水晶「玩到走火入魔」！因應需求配搭如打機配裝 網民安慰：玩返2、3年就會停
發佈時間：17:20 2025-09-11 HKT
水晶除了是飾物，也有一說指水晶擁有能量，佩戴不同類型的水晶能達到招財、改善人緣、穩定情緒等功效，近日，有港人於網上論壇苦呻母親近年沉迷水晶，除了越買越多，更有如「打機配裝」般配搭功效，直言「點估到佢玩到走火入魔」。有網民以過來人身份安慰，分享其家人曾經沉迷水晶，「玩返2、3年就會停」。
港人呻母親沉迷水晶「玩到走火入魔」！因應需求配搭如打機配裝
俗語有云：「信則有，不信則無」，各人對水晶自帶能量，可改善運氣、招財之說持有不同的態度。有港人於網上論壇苦呻母親沉迷水晶，指母親起初購入水晶手鏈只為「貪靚」，當作飾物佩戴，惟之後卻越買越多，更開始研究各種水晶的能量、功能等，「我都無乜理佢，當做有啲嘢比佢玩吓喺屋企唔會咁悶」。
豈料母親現時更會利用不同水晶配搭，以獲得力量、智慧及運氣等「加成」效果，就如「打機配裝」一樣，「呢條就加力量，嗰條就加智慧，運氣都要配返兩條」。樓主更以打機術語形容母親「兩隻手slots位（配裝槽位）唔夠就買埋頸鍊」，指母親後來再添置耳環、戒指以對應不同場合，「戴唔晒都照買，買到成屋都係」。
樓主又表示母親投入研究水晶的同時，更開始為他及女友「配埋裝」，他苦惱拒絕佩戴的話「好似唔比面佢咁」，但二人對水晶的感覺「麻麻哋」，更直言「點估到佢玩到走火入魔」，大叫救命。
網民安慰：玩返2、3年就會停
對於樓主的「苦況」，有網民以過來人身份分享，表示其母或親戚亦有同樣情況，指出中年女性容易沉迷水晶，「幾十條水晶鏈，成十個呢啲水晶石」、「我阿姨之前都中過，玩返2、3年就會停」。有網民獻計解困，建議樓主要令母親得知其嚴重程度，「最重要係癲過佢」，如一下將籃球拋入球場表示自己戴上「加力量裝」後力大無窮，「等佢知道要收手」。
不過，有網民表示每人都有個人興趣，研究水晶就如男人玩錶、車及音響，「唔貴由得佢啦，好過玩玉啦」、「有同事返工一隻手戴4、5條水晶手鏈」。有網民搞笑以打機術語表達，「約埋母親女友齊裝就去刷副本囉」、「升爆力量同敏捷，買餸可以拎多啲同快啲返屋企」、「再配埋烹飪技能+10，家庭主婦build（職業發展藍圖）」。
文:RY
資料及圖片來源:lihkg
延伸閱讀：港女剛畢業被要求交$8000家用 慘呻月入比兄長低+還政府貸款 與母爭論1原因反駁無效
