入市6年淪為負資產 中產夫妻呻一家月入10萬仍是「香港最底層」惹網民激辯
發佈時間：18:09 2025-09-06 HKT
香港地生活成本高昂，不少基層市民為生計奔波，然而，近日有網民在社交平台發文，指自己與丈夫月入共達10萬港元，卻因置業後變負資產，加上支出龐大，而慨嘆在港生活「好苦」，甚至自稱是「真香港最底層」。
入市6年變負資產 月入10萬中產家庭自稱社會底層
有港媽在社交平台Threads上分享個人經歷，指自己與先生每月合計收入達十萬港元，但面對供樓、育兒及奉養長老等龐大開支，令他們感到生活艱辛，甚至認為自己是「真香港最底層」。
帖主詳列了每月開支，包括支出逾$30,000供樓、水電煤及差餉，以及$2,000仔女興趣班和$6,000學費。家庭日常開支方面，伙食費$10,000，當中「包括星期一至日4人早午晚三餐」，購物費用$10,000，當中包括3人保險每年6萬元，而孝敬「四大長老」雙方父母的家用則是$10,000。她又提及尚有其他未列明的日常開銷，此外稅務開支「未生(孩子)之前每年交10萬 依家大約5萬」。
3大原因 慘變負資產
帖主自己又分析淪為負資產的原因，第一是由於入市時機不佳： 事主於六年前入市，但至今物業已變成「負資產」，反映其買入時機很可能正值樓市高位。隨後的市場調整中，樓價不升反跌，導致現時物業估值低於銀行貸款，令其家庭資產淨值不增反減，背負沉重財務壓力
至於帖主為何六年前買樓帖主又稱，置業缺乏「父幹」支援，獨力承擔重擔，反覆強調「家人$1都無幫過我地」，並並對比朋友因獲「父幹」、「full pay層樓」，即使「兩個每月搵5萬都好好洗」的情況，顯然對於未能獲得家庭的財政支援，導致需獨力承擔龐大的置業開支感到後悔。
有網民亦指出帖主錯過黃金時期，惟帖主也解釋了自己的身份限制，指自己畢業後工作六、七年儲夠錢便買樓，當時衡量過若「唔買樓就要租樓，都要15k左右一個月」，故選擇置業，並反問「10幾年前買樓會賺 但我仲係學生 請問點買？」。
搵十萬你講呢啲？ 網民: I Know that feel
帖文迅速引起網民兩極反應。部分網民對事主的收入表示質疑，直言「搵十萬你講呢啲？咁全家搵四、五萬嗰啲咪唔使生活？」，認為事主應知足。也有網民指出，除了「父幹」部分是無法選擇的，其他如「結婚、生仔、興趣班、請工人、供樓係邊個迫你達成？」，認為這些都是事主個人選擇所帶來的「相對應嘅成本」，並稱「80%自己決定嘅事，冇呃冇氹冇隱藏，唔明呻啲咩？」。
然而，亦有網民對事主表示理解與同情，留言「I KNOW THAT FEEL」，指出「好多人唔會理解你，因為呢個收入唔係周街都係，但同時支出都好多，要照顧長老又要為下一代著想，交稅又多又冇福利」。另有網民以自身經歷分享，表示自己「出身都係一個公屋仔，冇父幹」，但「讀大學、買樓、買車，都係自己搞掂」，並指「呢幾年買嘅業主，邊個唔係跌緊一兩球丫 我就跌左13%」，建議事主應「比上不足比下有餘啦」、「不怨天，不尤人，活好自己」。
資料來源：Threads
