兩姊妹涼皮被揭用預製貨？店方澄清從未標榜「自家製作」 1原因選用乾貨涼皮坦言「香港冇粉麵廠提供到」

更新時間：18:04 2025-09-01 HKT
發佈時間：18:04 2025-09-01 HKT

近年有部分食肆為節省人手及成本轉用「預製菜」或「半預製成品」，惟不少人憂慮預製菜的食用安全，對其抱持觀望態度。最近有網民於社交平台發文，發現曾獲米芝蓮必比登推介的兩姊妹涼皮有限公司採用「預製」涼皮，並表示「一直以為係佢自己整」。帖文隨即引起網民熱議，餐廳後來亦以長文回應有關問題，澄清從未標榜涼皮為「自家製作」，並解釋為何需要採用由內地入貨的乾貨涼皮，即睇詳情。

兩姊妹涼皮被揭用預製貨？店方澄清從未標榜「自家製作」

繼出現「冰鮮菠蘿包」、「預製白飯」後，食客對預製菜持有不同態度。近日，有網民於社交平台發文，表示獲得米芝蓮必比登推介的「兩姊妹涼皮有限公司」採用來自內地的「雙景拉皮」，表示一直以為餐廳的涼皮是自家製，「一直以為係佢自己整」。帖文引起網民熱議，餐廳方面亦以長文回應相關疑慮，澄清從未標榜「自家製作」，並對造成誤會感到抱歉。

1原因由鮮涼皮改用乾貨涼皮坦言「香港冇粉麵廠提供到」

餐廳指出，由開店初期起跟隨四川大廚的用料及做法，使用由內地入貨、保鮮期約10天的鮮涼皮，而其處理方式亦相當繁複，剪開每一包涼皮後要「煮熟、再磅重同雪凍」。不過，由於鮮涼皮的出貨商位於東北地區，冬天來貨後會出現雪霜導致不能使用，「所以冬天嘅時候會有三份二嘅損耗」。正因如此，店方不停尋找可穩定使用嘅貨源，因此乾貨涼皮成為「唯一嘅選擇」，並指出香港沒有粉麵廠能供應他們追求的「Q彈透明嘅涼皮」，表示即使為同類型乾貨，「香港嘅供應商亦都係由內地購買，再比返我哋」。

其次，店方解釋「自家製作」的誤會或因媒體用字而起，並表示當記者問起如何製作涼皮時，他們的回應為「梗係唔係自己整出嚟！但係我哋用呢隻貨，然之後咁樣煮xxx每日都要咁樣浸xxx同咁樣整xxx」，故推測記者了解到處理步驟後，「覺得我哋肩負起90%嘅製作過程」並用上「製作」、「整」、「自家製」等字眼，「可能令到各位有一個誤會」。

店方強調從來沒打算隱瞞或瞞騙客人，他們甚至於2021年已詳細在社交平台說明使用乾貨涼皮，「經過先洗浸大半日至一晚」，同時不認為使用內地製乾貨等於沒資格獲得肯定。店方對於造成「自家製涼皮」誤會感抱歉，希望大家能夠理解及明白。

網民：切勿矯枉過正

對於「兩姊妹涼皮」被發現使用乾貨涼皮，網民持有不同意見，有人對此感到失望，「仲要賣咁貴，真係唔使再幫襯」、「以後都唔幫襯」、「好失望」。不過，有網民則表示涼皮本是內地料理，從內地入口材料亦是無可厚非，且確實較難入手香港製的貨源，「竟然質疑點解要用中國材料？食麻辣，係咪又鬧點解佢啲辣椒要喺中國買？」、「要食大陸菜，但見到大陸料又唔想食」、「涼皮薯粉基本上都係大陸入貨」。

有網民質疑店方於媒體以「新鮮製作」、「浸泡24小時」作報導字眼後，「都唔主動澄清返唔係並非自家製」，有人對此反駁表示「自家製作涼皮就唔需要浸泡呀」與此同時，部分網民認為對於「預製菜」的討論是矯枉過正，「冇可能乜都喺間舖度自製」、「咁冬菇蒸肉餅咪要自己種冬菇？」、「雲吞麵日本拉麵真係有自己製麵嗎？」

文:RY

資料及圖片來源:twinsliangpiltd@Threads