地盤紮鐵工餐廳午膳疑遭冷待！無客仍被要求調至門口位斥店員態度惡劣+差別待遇餐廳事後道歉

更新時間：15:58 2025-08-26 HKT
發佈時間：15:58 2025-08-26 HKT

香港夏天炎熱潮濕，走在戶外短短數分鐘已經汗流浹背，從事戶外體力勞動的工作環境更是嚴峻。最近，一名從事地盤紮鐵工作10年的港人在社交平台發文，指早前與工友到西營盤一間餐廳午膳，期間疑遭受店員冷待。事主形容該餐廳店員在他們進店後「表情黑口黑臉」，語氣冷淡如冰；在餐廳未有其他食客時，店員更要求他們調至近門口位置，直至有其他食客進店，該店員態度隨即180度反轉，「個吖姐超熱情咁招待，隨便坐啦，食咩啊！完全同我哋就係區別對待」，認為店員有欠禮貌及尊重，迅速引起網民關注。

地盤工餐廳午膳疑遭冷待！無客仍被要求調至門口位

一名從事地盤工作10年的網民日前在社交平台分享外出午膳的遭遇，指香港大多數地盤附近的食肆數量較少，為了節省時間，很多工友都會經外賣餐車買飯盒，「拿拿臨食完訓番個回眠覺好過」。事主表示，當日與工友在西環新地盤工作至中午，因未有外賣餐車聯繫方式，決定步行至附近一間主打海南雞飯的餐廳用餐。

事主表示，「自問我自己做地盤，中午盡量會少去餐廳吃飯，有時污髒邋遢，自己都覺得影響到人，除非冇得揀。」然而，進入餐廳後，事主與工友隨即感受到店員的態度冷淡，形容店員表情「黑口黑臉，白鴿眼，眉頭皺到似一團廢紙，語氣冷得似冰」，直言「心知不妙」。

當時餐廳並未有其他食客，惟店員突然要求他們調至近門口位置，事主事後回想，猜測店員或因原本的座位「會影響一上一下兩張檯」。事主一行人配合指示換位，之後卻見店員並非幫他們點餐，而是「整理番啲檯凳，吱～吱吱，好明顯係特登超級大力向我哋表達不滿」，當時事主心想「可能係我哋換位嘅時候冇幫手移好檯凳，自己都有錯」。

未上餐已要求埋單？因1事斥店員差別對待

此時一行人只想進快吃完離開，而在點餐時，事主形容店員態度冷漠，在詢問飲品選擇時，店員僅回應「自己睇」。豈料當他們拿完飲品，尚未用餐之際店員已要求即時付款，事主當時心想：「心諗食埋俾唔得咩？唔洗即刻俾啊？」不過眼見同行工友的心情明顯受影響，事主為避免節外生枝，「即刻衝上去拍八達通」，同時亦安撫同行工友，「算啦算啦，費事搞咁多，等陣同距（佢）嘈，距（佢）廚房同你加料啊」。事主後來澄清，餐廳確實有貼出「請先購票」的字眼，只是他們當時未有留意。

不久後，事主形容店員「不情願」地送上三份餐點，又指自己當感到憤怒及委屈，「都認真嬲，默默扒咗幾啖飯，罐玉露嘅甜味喺嘴裏變成苦味」，更甚的是，事主發現店員對之後到店的食客熱情招呼，與對他們的冷淡態度形成強烈對比，直言「完全同我哋就係區別對待！」，又感嘆「做人要有骨氣，但而家我嘅骨氣好似被呢啲冷眼踩到粉碎」，看著碟上的雞肋只想到八個大字：「食之無味，棄之可惜」。

離開餐廳後，事主與工友返回地盤的路上慨歎，「你有時覺唔覺得諷刺，林林立立嘅大樓，萬家燈明卻無一盞為你而明啊？」又指出今次事件中令他最失望的地方，「歧視我哋嘅唔係專業人士，而係同一階層嘅人，有種孔乙己係酒肆被酒客捉弄嘲笑嘅感覺，「係果種同係基層卻五十步笑百步嘅現象」。

獲餐廳事後道歉事主強調：唔係想去抹黑任何一間店

事件在社交平台迅速引起關注，而在地盤界專頁「炭燒地盤佬」的協助下，餐廳店主於事後聯繫事主，稱已審視閉路電視，認為事主與工友行為正常，承諾會檢討服務態度並鄭重道歉。事主強調：「我嘅初衷唔係想去抹黑任何一間店，而係希望透過我呢件事……希望以後每一個黎（嚟）光顧嘅地盤佬，甚至係從事基層工作嘅人，都可以俾番做人最基本嘅尊重。」

網民安慰：希望你哋之後都一直有安樂茶飯

網民對事件亦各有看法，有人為餐廳澄清規矩向來是先付款及自行取飲料，認為未必是差別待遇；另有網民質疑餐廳服務態度，認為店員未有明確指引卻對顧客冷言冷語，欠缺專業，「咩餐廳啊？打開門做食肆，你唔擺個reserved 牌喺枱上面度，又唔帶位，坐低又話要調位，問佢調乜嘢」。

有網民則力撐事主做法正確，「你地（哋）無錯架（㗎），餐廳打開門口做生意，又唔係5星級酒店要著西裝先比（俾）入去，點解對待客有差別，你都比相同價錢食野（嘢），係呢間野（嘢）有問題，你地（哋）已經做得好好，辛苦你地（哋）日曬雨淋都要工作」、「你係脾氣好好而有修養嘅地盤哥哥，呢間普通小店一間咋喎，個阿姐咁倒米市場會罰佢㗎喇！我去唔同餐廳見到餐廳唔會咁樣有差別對待，啲阿姐對地盤哥哥仲可能會裝大碗啲飯！希望你哋之後都一直有安樂茶飯」；有網民則大讚事主文筆，稱：「你簡直係建築界嘅文膽，文筆流暢，能將成件事鉅細靡遺地描述出來。」

全文及來源：kwanchinwa@Threads