港女台灣旅行餐廳遇無禮港人入座後「問都冇問拎走我面前張凳」 1句話惹網民狠批：唔喺香港就可以摒棄禮貌？

更新時間：10:00 2025-06-29 HKT
發佈時間：10:00 2025-06-29 HKT

去外地旅行自然放鬆又開心，但切記不可得意忘形，做出失禮的行為。近日，有港女在社交平台上發文，指早前到台灣旅行時，在百貨公司的美食廣場遇上無禮港人，對方眼見椅子不夠，便「問都冇問拎走我面前張凳」，後來更反以1事責怪事主，讓她忍不住怒轟：「基本禮貌嘢係要我出聲你先識得問？」，即看下文了解詳情。

港女台灣旅行餐廳遇無禮港人未詢問擅自移走椅子自用

近日，有網民在Threads上以「麻煩香港人去旅行俾返少少禮貌」為題發文，分享自己在台灣旅行時遇到無禮香港人的經歷。事主表示，當時自己獨自一人在台北的京站時尚廣場美食廣場食飯，突然有4個香港人走過來在事主旁邊桌入座，其中一名男子「見唔夠凳，就問都冇問一嘢拎走咗我面前張凳。」

事主頓感驚訝，「直接望咗佢哋幾眼」，其中一名女士注意到事主的眼神，遂對該男子「講咗幾句」。不料該男子不認為自己有問題，反而責怪事主，用廣東話大聲叫嚷：「我攞嗰陣佢都冇出聲，佢出聲我咪俾返佢囉，但係佢冇出聲呀嘛！」事主表示當時自己「真係X咗出聲」，直言「基本禮貌嘢係要我出聲你先識得問㗎？」、「你屋企人教你咁冇家教㗎？」事主其後補充，「後尾有兩個外國人都唔夠凳坐，但係佢哋會問咗我有冇人坐先再攞張凳，高下立見啦。」

網民熱議：唔喺香港就可以摒棄禮貌？

事件引起網民熱議，該男子的舉動也引起大量網民批評，「已經唔問人就拎咗張凳咁無禮貌，仲要唔識收，呢啲男人真係小家到暈」、「呢啲可以算係冇家教㗎啦，其實同人講聲先至去攞係好基本嘅事」、「啲人係咪認為唔係香港範圍就可以摒棄禮貌？無人識就可以為所欲為？」

也有不少網民分享曾遇過的港人旅行失禮行為，「我有次喺東京食Ryuzu，本來好浪漫好好氣氛，嚟咗幾個香港女仔，一入嚟就勁大聲講嘢，後來仲喺度拖人哋隔離枱啲凳，擺位影相，結果啲職員要出聲話佢哋，勁失禮！」、「以我個人經驗，喺韓國會俾香港人打尖+撞人唔道歉，日本就係一大班人講嘢好大聲好嘈」、「我都試過好幾次覺得香港人講嘢好大聲冇禮貌，好幾次係日本啦。有次係泰國小島resort食早餐，又係大大聲講嘢，好醜囉。」

圖片及資料來源：Threads@_.sze._

文：Y