港女台湾旅行餐厅遇无礼港人入座后「问都冇问拎走我面前张凳」 1句话惹网民狠批：唔喺香港就可以摒弃礼貌？

更新时间：10:00 2025-06-29 HKT
发布时间：10:00 2025-06-29 HKT

去外地旅行自然放松又开心，但切记不可得意忘形，做出失礼的行为。近日，有港女在社交平台上发文，指早前到台湾旅行时，在百货公司的美食广场遇上无礼港人，对方眼见椅子不够，便「问都冇问拎走我面前张凳」，后来更反以1事责怪事主，让她忍不住怒轰：「基本礼貌嘢系要我出声你先识得问？」，即看下文了解详情。

港女台湾旅行餐厅遇无礼港人未询问擅自移走椅子自用

近日，有网民在Threads上以「麻烦香港人去旅行俾返少少礼貌」为题发文，分享自己在台湾旅行时遇到无礼香港人的经历。事主表示，当时自己独自一人在台北的京站时尚广场美食广场食饭，突然有4个香港人走过来在事主旁边桌入座，其中一名男子「见唔够凳，就问都冇问一嘢拎走咗我面前张凳。」

事主顿感惊讶，「直接望咗佢哋几眼」，其中一名女士注意到事主的眼神，遂对该男子「讲咗几句」。不料该男子不认为自己有问题，反而责怪事主，用广东话大声叫嚷：「我攞𠮶阵佢都冇出声，佢出声我咪俾返佢啰，但系佢冇出声呀嘛！」事主表示当时自己「真系X咗出声」，直言「基本礼貌嘢系要我出声你先识得问㗎？」、「你屋企人教你咁冇家教㗎？」事主其后补充，「后尾有两个外国人都唔够凳坐，但系佢哋会问咗我有冇人坐先再攞张凳，高下立见啦。」

网民热议：唔喺香港就可以摒弃礼貌？

事件引起网民热议，该男子的举动也引起大量网民批评，「已经唔问人就拎咗张凳咁无礼貌，仲要唔识收，呢啲男人真系小家到晕」、「呢啲可以算系冇家教㗎啦，其实同人讲声先至去攞系好基本嘅事」、「啲人系咪认为唔系香港范围就可以摒弃礼貌？无人识就可以为所欲为？」

也有不少网民分享曾遇过的港人旅行失礼行为，「我有次喺东京食Ryuzu，本来好浪漫好好气氛，嚟咗几个香港女仔，一入嚟就劲大声讲嘢，后来仲喺度拖人哋隔离枱啲凳，摆位影相，结果啲职员要出声话佢哋，劲失礼！」、「以我个人经验，喺韩国会俾香港人打尖+撞人唔道歉，日本就系一大班人讲嘢好大声好嘈」、「我都试过好几次觉得香港人讲嘢好大声冇礼貌，好几次系日本啦。有次系泰国小岛resort食早餐，又系大大声讲嘢，好丑啰。」

图片及资料来源：Threads@_.sze._

文：Y