電車車長中途去廁所惹乘客不滿公審！網民反撐司機：體諒吓啦 車長女兒解釋1原因無奈咁做
發佈時間：15:31 2025-06-09 HKT
日前有網民在乘搭電車期間，不滿電車車長中途下車去廁所，遂在社交平台發文及上傳影片「公審」該名司機。惟此舉未獲網民支持，更反遭網民鬧爆：「宜家啲人無乜同理心」、「搭果幾蚊車當自己皇帝」，車長女兒事後經社交平台發文，指當時媽媽人有三急，亦因1原因只能無奈於該站下車上洗手間，即看下文了解詳情！
電車車長中途去廁所惹乘客不滿 拍片網上公審嘲：依家啲司機真係勁
據該名乘客在社交平台Facebook「馬路的事討論區」上載的短片畫面可見，當時一名電車女車長由德輔道西的站長室離開，並急步跑回電車。該名乘客對此感不滿，並表示：「好日唔搭電車，依家啲司機真係勁，揸揸下電車，可以劈低部車，走入站長室，完全唔洗理啲乘客，好嘢！好嘢！」
網民反斥乘客「無同理心」：有生理需要去個廁所都唔得？
帖文一出，不少網民直斥樓主「公審」電車車長行為沒有同理心，狂轟「人地有生理需要去個廁所都唔得？ 阻左你幾多分鐘呀，叫電車公司賠返$3比你囉」、「人哋都跑過嚟，你估好想行開？」、「調返轉，如果你自己急到瀨會唔會跳車」、「洗果幾蚊當自己係大爺」、「你咁趕搭乜X電車？人地跑住去跑住番你仲想點？」、「樓主低質素，有次搭機場巴士，司機開咪話要去個廁所先，幾個人都叫佢快去啦唔好忍住，做人要有同理心呀大佬」。
電車車長女兒現身解釋 「人有三急」1原因無奈要咁做
及後，社交平台群組管理員代為轉發車長女兒對上述事件的回應，她指媽媽當時人有三急，加上電車單程由筲箕灣到西環最快需時1.5小時，遇上假日多車更可能達到2小時，而車長當時途經的是「西環區佢地（車長）唯一可以上洗手間嘅地方」，又指「見到佢其實急急腳跑去」，害怕耽誤乘客的時間。
車長女兒又補充，媽媽早前看到帖文後的第一反應是「好驚好害怕做錯野（嘢）」，但在人有三急的情況下，迫於無奈亦要先解決生理需要。她強調媽媽對工作一直充滿熱忱，雖然每日工作10小時以上，但仍對自己身為電車司機能幫助市民而感到榮幸。
她又表示，如下次再遇到相同情況，希望乘客可以先向車長詢問原因，避免產生誤會，或將努力工作的人放上網「公審」：「我都唔希望有公共交通司機受到誤解。如果可以嘅話都希望拍攝視頻嘅先生可以刪除，並且以後都可以對公共交通司機多一份諒解」。
網民力撐：辛苦了各位司機
不少網民留言表示支持，「至少我唔覺有錯，大小二便（係）人嘅基本需要」、「人有三急要處理係絕對正常，辛苦了各位司機」、「支持電車車長，辛苦了。人有三急，仲要講緊超過90分鐘行程，有人性嘅根本唔會有任何批評」、「其實係啲人小題大做」、「叫媽咪放心，好多人支持佢，係無聊人諸多計較，無同理心」；亦有人建議車長下次如有需要可以先告知車上乘客，「人心肉做，咁嘅問題樓主都擺出嚟講，電車車長如果唔係好急都不會作出此情況，我覺得車長冇做錯，她停在安全地方都做得好好，唯一問題係可能沒有對乘搭客人講一聲啦！」
延伸閱讀：港漂搭港鐵發現骯髒座位 香港大媽做1事獲讚品格高尚「瞬間被暖到」 網民解說：公德心從小開始培養
