屋邨文具店現結業潮？大埔/彩虹街坊老店5月步入歷史網民嘆小店難生存：咩都淘寶

更新時間：18:00 2025-05-16 HKT
發佈時間：18:00 2025-05-16 HKT

屋邨文具店現結業潮？位於公屋屋邨的文具店不單是出售平價文具的商店，對街坊而言更是滿載人情味及回憶，不過這些舊式老店都難逃結業？最近有網民發現位於大埔及彩虹的屋邨文具店相繼於5月結業，正式步入歷史，不少街坊大感惋惜，感嘆小店難生存：「而家咩都淘寶，小店根本生存唔到。」

大埔40年老店5月步入歷史街坊惋惜：呢類文具舖真係買少見少

日前有大埔街坊發文，指位於大埔大元邨街市的耀昌文具舖，因租約期滿而於5月底前結業。

日前有大埔街坊發文，指位於大埔大元邨街市的耀昌文具舖，因租約期滿而於5月底前結業，店舖亦推出清貨優惠，有指消費滿$300以上半價，街坊表示文具舖承載自己的童年回憶，呼籲「多多支持。」有網民留言該店是附近居民的集體童年回憶，對消息表示惋惜：「自出娘胎呢間嘢就喺到！」、「呢間同小飛象（另一間舊式文具店）都執晒，真係唏噓！」、「呢類文具舖真係買少見少」、「可惜而家轉咗手都係要執。」、「四十幾年喇，時代變，環境亦變。」

彩虹23年平民小店難逃結業網民嘆小店難生存

無獨有偶，位於彩虹邨的彩虹禮品文具玩具同樣難逃結業命運，有網民指將於5月中結業，正進行清貨優惠，全場貨品75折。翻查該店社交專頁，店主曾於2021年發文表示打算退休，有意頂讓文具店，形容該店：「位處街頭旺舖之列，人流旺地點佳，連現貨即可營業，適合有意營商或創業，退休或失業人士首選。」

對於結業消息，不少街坊直指不捨：「呢啲店舖格局先係回憶」、「條村都拆，無計」、「年紀大都要退休無辦法」亦有網民感嘆小店難生存：「但係而家啲人咩都淘寶，文具店根本生存唔到，香港人就係咁樣自己整死本土嘢。」、「特賣城賣大陸文具嗰啲都搶唔少生意。」「講真文具店好唔容易，貨又雜、嘢又多，又唔可以賣太貴，又難交接畀員工。辛苦啦，老闆！」

來源：Facebook@大埔 TAI PO、90年代回憶 (新版)