一般商品vs金融商品｜曾智華
更新時間：11:36 2025-06-03 HKT
發佈時間：11:36 2025-06-03 HKT
發佈時間：11:36 2025-06-03 HKT
字體大小
過去幾年，不停出席理財（不是投資 ）分享會，每次開始，例必問全場：「請問幾多位有不同的投資——物業、股票、基金、黃金、債券……？」次次全場舉手。
第二條問題：「一定要坦白！過去六年，有幾多位的總投資，是有盈利的？」在座你眼望我眼，有人彈弓手，有人縮下縮下，舉定的，約有一成至一成半。死未？點解個個投資，會有八、九成蝕本，咁投資嚟做乜鬼？是否很不理性？
第三條問題：「也要坦白，那位過去六年的總投資，蝕咗三成以上？」通常，也會有接近一半舉手。係咪又死得呢？投資，有一半蝕三成以上，若你仍堅持投資，是否等於撼頭埋牆？
第四條問題：「投資股票及銀行基金的，有幾多位完全明白股票及基金的性質、公司背景、管理層質素、業務前景……等的呢？」呢次又係你眼望我眼，勉勉強強有三至四成參加者略猶豫下舉手。意即，在場人士可能用上幾十至過百萬元去投資股票及各式古靈精怪基金，僅有三成左右有信心知自己在買乜。咁樣投資，同倒錢入海有乜分別？
金融商品目的多是賺你的錢
我再右手拿出一個手機、一個手錶、一件T恤，左手拿出一張股票、一份基金文件，再問：「請問我左手及右手的東西，有乜共通點？」全場靜默，冇人識答。咁就由我答，「兩皆商品，設計目的，皆在——搵你啲錢。咁，本質上，右手的及左手的，有乜不同呢？」
此時，個別在座者知小弟所指，有點開竅了，通常會有幾個能夠指出，「右手的手機、手錶及T恤，有實際用途；左手的股票及基金，沒有實際用途，只可能賺錢或蝕錢。」
至此，大家開始對金融商品的本質，有深一層認知了。金融商品，設計目的是賺你的錢而非替你賺錢，咪搞錯！在場者的親身經驗，買咗後，八至九成蝕錢，點解？因大部分人誤以為這些商品能帶來財富，結果剛好相反。香港大部分股票令小股東蝕本，銀行賣的基金更多如是。你了解後，若還亂買，就是自甘做水魚了。
資深傳媒人 曾智華
最Hit
大家樂$20歎焗豬扒飯優惠！申請非遺突發減價 1招可搶購 全線分店適用
2025-06-05 15:40 HKT
40歲前TVB小花男友求婚4年仍未結傳婚事「撻Q」 發文3字交代二人最新關係發展
2025-06-05 14:00 HKT
