【#慢讀樂趣】認識廣東話錯別字 「揚州炒飯」、「星州炒米」咪寫錯
更新時間：18:26 2021-12-06 HKT
發佈時間：03:00 2021-05-18 HKT
發佈時間：03:00 2021-05-18 HKT
字體大小
《趣看生活：廣東話常見錯別字》由廣東話資料館策劃出版，這是其「通學」系列第六本，旨在同讀者發掘更多有關香港嘅生活用語。這是一本實用字典，最啱粵港澳大灣區使用，大家同聲同氣，不過，講廣東話可以天下無敵，要你寫就會有讀寫障礙。
根據出版人的介紹，一出手就知本書作者係高人，現在同大家分享幾個挑戰，以下看你弄得通幾多個問題。
「畀、俾、比」三個字有咩分別？
「嗰、個、果」究竟要用邊個？
「唔使」、「唔駛」定「唔洗」？
「辦、辮、辨、辯、瓣」不分？
炒飯究竟係「揚州炒飯」還是「楊州炒飯」？
「執書/執輸」、「撕紙/獅子」讀音一樣，但意思大不同……
玩完認字遊戲，再考大家常識，你知唔知乜嘢係「錯別字」？答案：「係錯字同別字嘅統稱，喺文字發明之後就已經存在，並唔係最近嘅事。所謂錯字，即係寫錯字，通常都係涉及多寫或者少寫咗啲筆畫；而別字又稱為白字，字就冇寫錯到，但係就用錯咗另外一個字。就以中文字而言，指喺文字嘅筆畫、字體或者文法上，形音相似出現訛誤，而構成一啲唔合現時『白話文』書寫規範嘅字都稱為錯別字。但係由於文字嘅發展，好多原本嘅錯字都被扶為正字，而正字反被當成錯字，所以喺現時錯別字嘅判斷，通常就以政府公布嘅文字為基準。」
嘩！真係唔講唔知，我更加係第一次見識到有人用廣東話文字教我語文常識。
再考你，大家好興講「督背脊」，如果你咁寫，原來係錯別字！督：「從日叔聲，本義係日中時分，引申為中央、監察。例如︰監督、都督、基督；循名督實、平原督郵等。」如你講「阿媽督你做功課」，OK，但「督背脊」有乜好督？除非你係脊醫，佢同你睇病，監察一下你背脊，或者可以講得通。
如果你用「篤背脊」，咪以為啱，雖則好多人會咁寫，其實都係錯別字。篤：「用於篤信、篤定、篤行等詞彙。例如篤志好學、力學篤行、樸訥誠篤、篤定愛古。」之所以你用「篤背脊」就真係無厘頭。應該用邊個先係正字？賣個關子，等陣再同大家開估。依家要食晏，今日我買咗盒「楊州炒飯」！
原來我又搞錯。「揚州炒飯」先至正確，相信九成人都好似我咁烏龍，原來「揚州，喺以前好多時會被人寫成楊州或者陽州。」揚州喺邊？我同大家百度下︰「揚州，江蘇省地級市，長江三角洲中心區二十七城之一，是世界遺產城市、世界美食之都、世界運河之都、東亞文化之都、首批國家歷史文化名城和具有傳統特色的風景旅遊城市，有『中國運河第一城』的美譽。」揚州美食好出名，不過揚州根本無揚州炒飯，此飯係廣東特產。 「基本上都有以下呢幾款材料嘅，包括叉燒粒、雞蛋、蝦仁、時菜、葱、油、鹽等加白飯猛火炒埋一碟。」
順便講埋，「星洲炒米」亦係錯別字，正寫係「星州炒米」先至啱，因為「星州」即係「新加坡」，Sorry，新加坡又係無出產呢款「星州炒米」，應該係香港出品，我哋落咖喱炒米粉，原意係加添南洋風味，所以老作出一款「星州炒米」，我就麻麻哋鍾意，因為唔係好食得辣。
好啦，講古時間過得快，又係時間講Bye Bye，收筆之前同大家講番之前嘅錯別字。如果你話有人喺老闆面前講你壞話、打你小報告，正字係「㧻背脊」，「㧻」係動詞，「指刺、戳。例如㧻眼㧻鼻。」所以話，千萬不要「㧻」錯背脊呀！
其實廣東字好多係古字，不過，今時今日，大家無謂考究咁多，但係身為大灣區人，都好應該了解一次本土文化。吓，你話香港即係大灣區，你好似「政治唔正確」咁噃？有乜問題，香港唔係粵港澳大灣區，唔通香港係日本呀？香港搬唔走，你咪癲啦。我就話學寫廣東話，最緊要係「正字正確」，唔係咩呀！
大家想知多啲廣東字，買本書睇啦。我要食埋盒揚州炒飯，係咁先。
根據出版人的介紹，一出手就知本書作者係高人，現在同大家分享幾個挑戰，以下看你弄得通幾多個問題。
「畀、俾、比」三個字有咩分別？
「嗰、個、果」究竟要用邊個？
「唔使」、「唔駛」定「唔洗」？
「辦、辮、辨、辯、瓣」不分？
炒飯究竟係「揚州炒飯」還是「楊州炒飯」？
「執書/執輸」、「撕紙/獅子」讀音一樣，但意思大不同……
玩完認字遊戲，再考大家常識，你知唔知乜嘢係「錯別字」？答案：「係錯字同別字嘅統稱，喺文字發明之後就已經存在，並唔係最近嘅事。所謂錯字，即係寫錯字，通常都係涉及多寫或者少寫咗啲筆畫；而別字又稱為白字，字就冇寫錯到，但係就用錯咗另外一個字。就以中文字而言，指喺文字嘅筆畫、字體或者文法上，形音相似出現訛誤，而構成一啲唔合現時『白話文』書寫規範嘅字都稱為錯別字。但係由於文字嘅發展，好多原本嘅錯字都被扶為正字，而正字反被當成錯字，所以喺現時錯別字嘅判斷，通常就以政府公布嘅文字為基準。」
嘩！真係唔講唔知，我更加係第一次見識到有人用廣東話文字教我語文常識。
再考你，大家好興講「督背脊」，如果你咁寫，原來係錯別字！督：「從日叔聲，本義係日中時分，引申為中央、監察。例如︰監督、都督、基督；循名督實、平原督郵等。」如你講「阿媽督你做功課」，OK，但「督背脊」有乜好督？除非你係脊醫，佢同你睇病，監察一下你背脊，或者可以講得通。
如果你用「篤背脊」，咪以為啱，雖則好多人會咁寫，其實都係錯別字。篤：「用於篤信、篤定、篤行等詞彙。例如篤志好學、力學篤行、樸訥誠篤、篤定愛古。」之所以你用「篤背脊」就真係無厘頭。應該用邊個先係正字？賣個關子，等陣再同大家開估。依家要食晏，今日我買咗盒「楊州炒飯」！
原來我又搞錯。「揚州炒飯」先至正確，相信九成人都好似我咁烏龍，原來「揚州，喺以前好多時會被人寫成楊州或者陽州。」揚州喺邊？我同大家百度下︰「揚州，江蘇省地級市，長江三角洲中心區二十七城之一，是世界遺產城市、世界美食之都、世界運河之都、東亞文化之都、首批國家歷史文化名城和具有傳統特色的風景旅遊城市，有『中國運河第一城』的美譽。」揚州美食好出名，不過揚州根本無揚州炒飯，此飯係廣東特產。 「基本上都有以下呢幾款材料嘅，包括叉燒粒、雞蛋、蝦仁、時菜、葱、油、鹽等加白飯猛火炒埋一碟。」
順便講埋，「星洲炒米」亦係錯別字，正寫係「星州炒米」先至啱，因為「星州」即係「新加坡」，Sorry，新加坡又係無出產呢款「星州炒米」，應該係香港出品，我哋落咖喱炒米粉，原意係加添南洋風味，所以老作出一款「星州炒米」，我就麻麻哋鍾意，因為唔係好食得辣。
好啦，講古時間過得快，又係時間講Bye Bye，收筆之前同大家講番之前嘅錯別字。如果你話有人喺老闆面前講你壞話、打你小報告，正字係「㧻背脊」，「㧻」係動詞，「指刺、戳。例如㧻眼㧻鼻。」所以話，千萬不要「㧻」錯背脊呀！
其實廣東字好多係古字，不過，今時今日，大家無謂考究咁多，但係身為大灣區人，都好應該了解一次本土文化。吓，你話香港即係大灣區，你好似「政治唔正確」咁噃？有乜問題，香港唔係粵港澳大灣區，唔通香港係日本呀？香港搬唔走，你咪癲啦。我就話學寫廣東話，最緊要係「正字正確」，唔係咩呀！
大家想知多啲廣東字，買本書睇啦。我要食埋盒揚州炒飯，係咁先。
