護眼｜睇電腦/煲劇唔使驚 5大護眼食物防眼疾/眼乾抗氧化

更新時間：12:19 2022-09-20 HKT
發佈時間：12:19 2022-09-20 HKT

返工睇足成日電腦，返到屋企又煲劇、睇波，容易令眼睛疲倦，加重視力負擔，嚴重的可能會患上眼疾。想好好護眼？大家可能只想到食護眼保健品、或者多食藍莓。其實除了藍莓，日常飲食中仲有唔少護眼食物。以下5種食物，對雙眼有益又有護眼功能。

魚類及貝殼類
含Omega-3脂肪酸的食物可幫助改善眼睛健康，針對因長期使用電腦而造成的乾眼不適。魚油含有DHA營養，可維持視網膜健康，抵抗光線對雙眼的傷害，滋潤眼睛。沙甸魚、秋刀魚、鯖魚等都含有豐富DHA。

堅果及種子類
堅果如花生、合桃、腰果等亦含有Omega-3脂肪酸，對眼乾亦有幫助。而堅果中的葉黃素、玉米黃素更可預防光線對眼睛的傷害，減少患上白內障、黃斑病變等眼疾風險。種子類食品則含有維他命E，可抗氧化，消除網膜的自由基。香港常見又易買到的種子類食品有芝麻、奇亞籽及亞麻籽，多在沙律上作為配菜。

綠葉蔬菜
綠葉蔬菜含豐富葉黃素、玉米黃素，能幫助眼睛阻擋藍光傷害，保持視覺靈敏。此外，綠葉蔬菜富含的維他命C也可抗氧化，預防眼睛退化。如羽衣甘藍、菠菜、火箭菜等，而羽衣甘藍及菠菜仲可預防心臟病及癌症，多食菜有益呀。

紅蘿蔔
紅蘿蔔中的β-胡蘿蔔素，可在人體內轉換成維他命A，有效幫助維持視力健康，可強化視網膜及眼角。維他命A有助預防夜盲症，令視網膜保持濕潤，改善眼乾問題。

柑橘類
有豐富維他命C，可作為抗氧化，預防衰老又有助維持眼睛血管健康。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ