馬會在幾個新裝修的體驗店搞睇波活動，現場氣氛非常正，可愛的《猜波台》女主持Ling Ling更經常現身撐利物浦。

專欄｜各球會球迷一齊睇波新選擇

更新時間：08:00 2023-09-16 HKT
發佈時間：08:00 2023-09-16 HKT

獨樂樂始終不如眾樂樂，自上季開始，多返球迷出街睇波，能夠成班人著住愛隊球衣一齊支持愛隊，入波時的興奮大叫，那份青春和熱血任何時候其實都藏於你我的血脈裡。今季馬會方面都更加積極跟本地的不同的球迷會合作，在幾個新裝修的體驗店搞睇波活動，現場氣氛非常正，有靚女主持帶動氣氛，可愛的《猜波台》女主持Ling Ling更經常現身撐利物浦，現場更有唔少遊戲設備如騎馬機、射十二碼足球遊戲可以一齊玩。唔使識人先去得，自己上網報名就join得，大家著起同一隊球衣就係同道中人啦，睇波之餘更能認識下新朋友。今晚9點早場就有我愛隊祖雲達斯對沙里執教的拉素，球迷會就會在葵芳賽馬會體驗店搞咗個睇波活動，難得有一班鍾意睇意甲的同道中人，介時一定會去體驗一下。

拉素開季成績差，卻在上一輪以防反戰術力挫衞冕冠軍拿玻里，有點出人意表。祖雲達斯今季引入新進攻助教，打法變得積極主動3仗入6球，2勝1和成績理想，今場只要做好防範對方的大腦路爾斯艾拔圖就好大機會取勝，兩名前鋒華賀域和費特歷高基艾沙均已開齋，入球能力有保證。推介讓球-0.5/1的主勝。馬高

-----

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ