大角咀街坊酒樓突結業！海富商場盈圖曾推$9.8點心/$19.8乳鴿救市 街坊嘆：老人家飲茶又少個選擇
發佈時間：12:03 2026-10-29 HKT
本港飲食業結業潮持續，再有民生區街坊酒樓離場！位於大角咀領展海富商場的新派茶樓「盈圖」，於昨日（28日）正式結業。該酒樓自2023年初開業至今僅兩年多，向來以平價親民路線見稱，曾推出9.8元招牌點心及38元鹽焗雞等震撼優惠吸客，惟最終仍難逃結業命運。消息一出隨即引發當區街坊熱議，不少人慨嘆長者又少一個飲茶聚腳點。
大角咀「盈圖」主打平價街坊路線 曾推$9.8點心/$38鹽焗雞救市
翻查資料，位於大角咀海庭道2號海富商場1樓的「盈圖」，於2023年初開業，定位為新派茶樓，一直以極具性價比的抵食優惠吸引附近屋苑居民及長者幫襯。酒樓於早、午、晚三市均推出多款特價菜式「救市」：早市設有6款低至9.8元的招牌點心，孖寶點心僅售29.8元，其餘點心平均亦只是20多元；午市則主打19.8元特價脆皮皇子鴿，炒粉麵飯平均約60多元；晚市更有「五大皇牌」優惠，當中包括38元古法鹽焗雞，以及均一價68元的清蒸龍躉仔、灼蝦、陳皮蒸鮑魚及豉汁蒸鱔，其他小炒及功夫菜平均亦僅百多元，定價相當貼地。
商場證實昨日結業 傳原址有新酒樓頂上
昨日（28日）有街坊在Facebook群組「大角咀人和事」發文分享結業消息，指酒樓「做埋今日下午茶」，並無奈表示：「老人家飲茶又少一個選擇。」《星島頭條》就此聯絡海富商場客戶服務部查詢，獲職員證實「盈圖」於昨日（28日）正式結業。職員未有表明具體結業原因，僅透露原址應該會有另一酒樓品牌進駐。另有網民在留言區爆料指：「之後據聞開稻香，一雞死一雞鳴。」
街坊大嘆可惜 揭樓面長期人手不足
結業消息曝光後，旋即引起大批大角咀街坊討論。不少熟客對酒樓突然結業感到惋惜，「吓，成日落去食喎……」、「呢間其實都算多老人家去飲茶㗎啦」、「可惜，最近啲食物又好返啲」、「最近出品唔差喎」、「又執埋？咁搞法，香港以後仲會唔會有食肆？」。有街坊分享指，每星期都會帶兩位長者「落去飲茶」，認為點心水準可以，早前母親生日曾惠顧經理推介的八人套餐，獲贈免費椰汁糕，大讚「碟頭夠大、價錢一般、個場超靜」。
不過，亦有不少食客指出酒樓經營成本高昂，且長期面對人手嚴重不足的問題，「喺香港開一間酒樓每個月成本真係好大，搵搵埋埋又係畀晒租金，呢間酒樓樓面已經長期唔夠人，去飲茶我通常要自己加滾水」、「基本上而家飲茶搵伙記，仲慘過阿媽搵仔，酒樓伙記長期小貓三兩隻……搵得伙記嚟，嘴唇都變白，嗌伙記落單要起身周圍搵，我諗去得茶樓多嘅食客，應該身同感受」。
此外，有網民分析中式酒樓難單靠散客維生：「以前聽啲前輩講，中式酒樓一定要做一圍圍啲餐先有錢賺。如果淨係做散枱，雖然有茶位、又加一，但都係蝕……」與此同時，亦有曾光顧晚市貴價套餐的網民給予負評，直斥：「呢間快啲執啦，又貴又唔好食，上次食個所謂海鮮餐$4480，條東星斑係死魚嚟，啲魚霉嘅，標明話即燒燒鵝，隻燒鵝上到枱係凍嘅，明呃街坊。」
圖片及資料來源：大角咀人和事＠Facebook
同場加映：觀塘廣場酒樓現「泥漿肉搏減價戰」？推$5鹽焗雞／$6.8點心搶客 食客揭1中伏位
