上環$18爆紅早餐Cafe結業！老闆親解「營運成本問題」網民嘆：賣咁平直頭放血

更新時間：13:25 2026-10-15 HKT
發佈時間：13:25 2026-10-15 HKT

香港地百物騰貴，要在中上環這等核心地段生存，絕非易事。近日，一間曾以「$18早餐」掀起全城熱話的上環西餐廳「Chill Hole Kitchen」，在門外悄然貼出結業告示，宣佈將於10月15日正式結業，消息一出，令無數曾被其「破底價」優惠吸引的食客及網民大感惋惜。

上環$18早餐熱潮成絕響店主：感謝大家支持

Chill Hole Kitchen 近日在門前貼出一張手寫告示，白紙上手寫著：「本店因營運成本問題，將於10月15日結束營業，感謝大家支持」，字體略帶潦草，下方還有手繪心心符號及「Last Order時間為16:00」的補充。簡簡單單幾句，卻道盡了小店在經營壓力下的無奈。

這間位於蘇杭街的平價西餐廳，早前曾因推出$18早餐優惠而一夜爆紅。從網民分享的相片可見，其早餐賣相絕不馬虎，一份五香豚肉通粉，配上兩隻太陽蛋及一杯凍飲，看起來份量十足，令人食指大動。當時這個「回到40年前」的價格，已引來網民熱烈討論，不少人專程慕名而來「朝聖」，有食客光顧後更大讚「已經冇嘢可以挑剔」。

網民歎割喉式減價非營商之道「咁平點做得住？」

結業消息傳出後，網上討論區再次沸騰，留言迅速蓋起高樓。大部分網民都對小店結業表示不捨，「又一間小店結業」、「$18超平喎我想幫襯呀」、「18蚊真係抵，出面凍飲都飲唔到」。

不過，更多人將矛頭指向其定價策略，認為結業是意料中事。「$18幾好生意都執啦」、「賣到咁平，經營成本梗係會出事」，更有網民一針見血地指出：「$18簡直係放血！」部分網民則理性分析，認為在上環黃金地段，「咁貴租」，這個價錢根本難以維持，「其實嗰區佢賣貴啲都應該有生意」。

老闆曾剖白心聲：只想做好每個餐

事實上，店主數月前曾在社交平台剖白經營心聲，字裏行間充滿對食物的執著。他坦言：「香港餐廳生意的確越嚟越難做，已經唔係求其煮啲嘢出嚟就有人幫襯嘅年代。」

為此，店家堅持選用優質食材，「肉丸，淨係用美國；鰻魚，淨係用獨立包裝靚貨；漢堡扒，淨係用日本貨，絕大部份嘅食材都係坐過飛機。」更強調「連你飲嗰滴水，都係過濾過嘅水」。對於能否賺錢，老闆當時只拋下一句：「賺唔賺到錢，真係唔知，淨係想做好每個餐，留俾識欣賞我哋食物嘅你。」事隔數月，老闆的堅持，終究未能敵過殘酷的現實，令一眾熟客感慨萬千。

圖片來源：香港茶餐廳及美食關注組＠Facebook