澳牛太子爺日本開港式餐廳遇客人點「豉椒炒蜆」提1意見秒焫著：所謂食家又係冇腦

更新時間：15:55 2026-10-14 HKT
發佈時間：15:55 2026-10-14 HKT

本地老字號茶餐廳「澳洲牛奶公司（澳牛）」第三代傳人鄧日成早年到日本留學，並於當地各大酒店及餐廳學西廚，現選址東京淺草經營一間港式料理餐廳。日前，他在社交平台發文，遇客人點了一份「豉椒炒蜆」，惟因對方提1意見秒焫著，坦言「呢啲咁嘅所謂食家講個說話又係冇腦」。詳情即看下文！

澳牛太子爺東京開港式餐廳遇客嫌「豉椒炒蜆」有沙兼提1意見感荒謬

「澳牛太子爺」鄧日成日前於Threads發文，指有3名客人點了一碟「豉椒炒蜆」，及後向鄧日成表達意見。客人向鄧提出質疑，「點解你炒到學（殼）同蜆肉分離晒？」又稱醬汁跟蜆肉「都未完全入味」，而且蜆肉有沙，「仲未令佢（蜆）完全吐沙」。面對客人質疑，鄧日成不諱言餐廳採用是冷凍蜆，因此「唔可以令到佢吐沙」，而且在食材來貨時理應「已經令佢吐咗沙」。

鄧日成直接向客人表示，對方應是想品嘗新鮮日本蜆，惟餐廳未能提供。客人對此再提出質疑：「日本沿海有好多，你可以去搵」。鄧日成則回應指，如希望在日本吃到新鮮日本蜆，建議光顧高級日本料理店。

面對這組客人的意見，鄧日成直言日本新鮮蜆來貨價昂貴，如要利用新鮮蜆製作「豉椒炒蜆」，售價需要由原本的2,000日元（約100港元）漲至7,000日元（約350港元），又指「沿海搵蜆」的提議荒謬，「叫我為咗2000円出海搵？」怒斥「所謂食家講個說話又係冇腦」，無奈大嘆經營飲食業的悲哀，「收到個2000円仲要咁講究……唔通你去食雞白湯拉麵你叫佢搵隻新鮮雞係你面前煲咩？」

網民力撐：好多人都以為日本食嘢平過香港

「澳牛太子爺」鄧日成的帖文引來不少網民留言力撐，不少人深明在日本吃新鮮海鮮的難處，「其實香港好多海鮮比起日本更平更方便」、「好多人都以為日本食嘢平過香港㗎」、「2000（日元）真係好難出鮮貨」、「即係咁，香港一碟都做唔到一舊水」。有網民又指出這道菜售2,000日元已是十分化算，「日本蜆1kg差唔多3-4千円？叫佢炒碟賣到2000円嘅你睇」、「¥2000喺日本食刺身飯都唔得啦」、「日本食過最平都5-8000」。

文：TF

資料及圖片來源：kaennhongkong@Threads、火炎香港創作料理 Fire Hong Kong Style Creative Restaurant@facebook、kaennhongkong@ig