外出用餐如食叮叮飯？港人不解連鎖餐廳「全預製」依然客似雲來網民：成本低咗仲貴過茶記

更新時間：17:34 2026-10-13 HKT
發佈時間：17:34 2026-10-13 HKT

近年餐飲業為減低營運成本，預製食品的使用越趨普及。近日，有網民在網上討論區發文，質疑本地某連鎖餐廳全面使用預製食品卻依然客似雲來，對此現象感到十分不解與擔憂，更引發網民對預製菜在香港的普及程度及其合理定價的熱烈討論。

港人不解連鎖餐廳「全預製」依然客似雲來

近日，有港人在網上討論區上發帖，探討現時部分連鎖餐廳過度依賴預製食品的現象，並針對餐廳的營運模式及食客的接受程度提出疑問。帖主指某連鎖餐廳的餐飲，包括檸檬茶、白飯、炒蛋及煎蛋等均為預製菜，「全部都係『科技與狠活』、化學嘢調配而成」。儘管如此，餐廳在午市及晚市時段依然「成日坐滿人」，甚至在其兼職送外賣時，也經常接到該餐廳的訂單。

網民憂食安問題：未來嘅人只會越嚟越多病痛

對於這種現象，他感到十分困惑，質疑「係咪而家香港人鍾意食化學嘢？」，並坦言「去餐廳食嘢，冇諗過會食預製化學嘢」。該帖文隨即引發大量網民的共鳴與討論。有網民對食品安全表示擔憂，感嘆「未來嘅人只會越嚟越多病痛」，並「懷念以前嘅年代」，認為以前的餐廳是「真係睇住佢炒蛋、煲飯」。同時，不少人指出預製菜在酒樓點心到一般茶餐廳已相當普遍，有食客形容口感與微波爐食品「冇分別」。

另一方面，有部分網民指出問題的核心並非預製食品本身，而是食品的安全與性價比。有留言認為「預製唔係個問題，『科技與狠活』先係個問題」，若能做到「好食又平又安全」則不會介意。然而，更多網民批評現時餐廳利用預製食品節省了成本，但「價錢賣得仲貴過現製先係問題」，直言不明白為何成本降低但收費依然高昂。

資料來源：LIHKG