酒樓小菜份量因人數而異？無知客質疑叫例牌「變相收貴」 網民嘲：第一次出街食飯？
發佈時間：12:15 2026-09-26 HKT
不少食客外出用餐時都會留意菜式份量與價格是否相符。日前一名食客前往酒樓用餐，點選小菜後卻發現份量疑因入座人數而異，惟餐牌顯示為劃一價錢，質疑店方做法猶如「變相收貴」，感覺「好似畀人暗算咁」。事件隨即引發網民熱烈討論，有人嘲：「第一次出街食飯？」
港人投訴酒樓小菜份量因人數而異？相同價錢「兩個人食自動畀細份（例）」 質疑變相收貴？
事緣，有網民在社交平台Facebook的「香港酒樓關注組」上分享個人經歷，發文質疑酒樓在晚市時段處理小菜份量與定價的機制。當日事主與同行友人二人到酒樓食晚飯，點了兩至三個小菜。事主表示，酒樓餐牌上的小菜價錢劃一，並無註明劃分大碟或細碟。然而事主發現「但原來兩個人去食，廚房會自動畀細份（例:）；人多嘅話，就畀大份。價錢一樣，份量就唔同。」事主對此深感不滿，認為廚房會根據顧客人數調整份量，質疑「價錢一樣，份量就唔同，咁即係兩個人去食嘅話，係咪變相畀多咗錢？」
事主坦言明白酒樓可能出於控制成本的考量，但仍認為做法不公，並質疑「兩個人去食，唔通就唔配食正常份量？」事主又指曾向收銀員了解，稱對方表示「確實有呢個問題存在」，建議酒樓若實施相關收費模式，不如「直接寫明『兩位用』同『四位用』唔同價錢，起碼明碼實價」，並向其他網民發問：「定係其實酒樓咁做係行規，我少見多怪？」
網民反問：邊個同你講大份一樣價錢？
帖文引來網絡熱議，大部分網民指出這純屬事主誤解，澄清廚房根本不會根據顧客人數調整份量，一般未有特別要求均預設為「例牌」，更反駁：「個例係俾廚房睇，例半，中，大」、「廚房入面怎知你們幾人食」；亦有網民嘲諷事主「版主第一次出街食呀？」，並解釋「跟餐牌叫，冇叫加大， 就『例』牌 喇！」、「邊個同你講大份一樣價錢？」，強調大細碟不可能同價。亦有人指事主應附上菜式份量的照片作參考：「你點知道四人份量係多啲餸？」、「影張單又唔影餸的份量！ 對酒樓都唔公平啫？」
參考消費者委員會資料，一般食肆小菜會以「例牌」，即大約8兩食物，足夠4人吃用來計算；「大例」通常是「例牌」分量的1.5倍，約6人分量；另外還有「二例」或「中碗」，約為8至10人分量；至於「三例」或「大碗」則適合12人以上，建議消費者在用膳前可以先向店員查詢每道菜的分量，以免造成誤會。
延伸閱讀：「不覺得來香港吃魚蛋燒賣很慘嗎？」港人質疑街頭小吃被過度吹捧 稱「糊口填飽」才吃 內地客因一理由群起捍衛...
