港人控訴銅鑼灣車仔麵店「陰招」屈客？誤會店員送豆漿「飲一啖」收$12 網民：唔係你嘅又飲？

港人控訴銅鑼灣車仔麵店「陰招」屈客？誤會店員送豆漿「飲一啖」收$12 網民：唔係你嘅唔好飲

更新時間：15:12 2026-09-02 HKT
發佈時間：15:12 2026-09-02 HKT

港人日前投訴銅鑼灣車仔麵店「出埋啲陰招呃食客」！樓主指在光顧該麵店期間，有店員「無啦啦」送上豆漿，更誤以為是隨餐附送未有追問，其後，方才發現豆漿需另付$12，主動澄清「根本冇叫過」，店員隨即「拎走支豆漿掉咗」。樓主呼籲「大家要小心」，反惹來網民爭議，有人認為該店「出名態度衰」，亦有網民批評樓主亦需負上責任。詳情即看下文！

港人控訴銅鑼灣車仔麵店「陰招」屈客？誤會店員送豆漿「飲一啖」收$12

日前，有港人於社交平台發文，指控一家位於銅鑼灣的車仔麵店「出埋啲陰招呃食客」。樓主表示，當日光顧該店並點了一客三餸車仔麵。然而，一名男店員在落單後「無啦啦俾咗一支豆漿」。樓主在文中坦承「係我衰冇問」，稱當時因誤以為下午茶時段「送豆漿」，於是不以為意，並「開咗嚟飲一啖放咗喺枱面」。怎料，該名男店員隨即走過來並在單據上寫下「$12」，他方才發現原來該豆漿需收費。

樓主隨即澄清自己「根本冇叫過」，店員見狀在單據上刪去「$12」收費，「再立即拎走我支豆漿掉咗」，又奉勸「大家要小心」，提防「佢揀中你擺低支嘢飲就收你錢」。根據樓主上載的圖片，看到單據上「粉麵」一欄寫有$51及$12的字眼，其中「$12」被刪去。

網民：冇嗌你又攞嚟飲？

對於樓主的經歷，不少網民直言有關餐廳的餐點從來不包飲品，「吓，佢從來唔送野飲嗰喎。佢亦都冇下午茶喎。跟餐飲正路都問你飲乜啦」；也有網民坦言如有疑問，應該當下直接向店員提出，「你又冇叫，起碼都問下」、「無啦啦擺低支野響度咁你又開嚟飲」、「明明冇嗌，你又攞佢嚟飲做乜？」有人則認為該店的麵食品質及服務態度「愈來愈差」，「呢間野啲人一向無品」、「出名態度差價錢又貴」。

文：TF

資料及圖片來源：香港車仔麵關注組@Facebook