西九龍中心$68豪華花膠雞米線！100頭花膠筒+嫩滑海南雞老闆：全香港冇小店咁揼本

更新時間：15:59 2026-08-31 HKT
發佈時間：15:59 2026-08-31 HKT

香港餐飲業競爭激烈，不少平民小店各出奇謀以極致性價比吸引食客。深水埗西九龍中心一間主打海南雞的小店推出$68花膠雞白湯米線，店主坦言「全香港都唔會有小店咁揼本」，強調採用高級中菜廳等級的100頭花膠筒，用料相當豪華，吸引大批食客慕名而來，更在社交平台引起網民關注，即睇詳情！

西九龍中心$68花膠雞米線！選用100頭花膠筒老闆：全香港冇小店咁揼本

位於西九龍中心6樓的「OH! 膠膠雞」由前五星酒店廚師主理，其招牌海南雞採用酒店製法，強調零味精，加上定價親民，獲不少食客大讚「平民價錢，酒店級水準」。最近，餐廳負責人在社交平台發文介紹小店另一招牌$68花膠雞白湯米線，形容「全香港都唔會有小店咁揼本」，採用真材實料的「100頭花膠筒」，並特別澄清並非「鱈魚膠」，就連批發商老闆對其做法亦感驚訝，直呼他「CLS（瘋狂）」，皆因該批花膠「交開都係婚宴同高級中菜廳」。

老闆進一步表示，以往烹調時會將花膠「切開3/4件」，但當日特意嘗試「切一刀開邊」以大件原條上碟，結果成功吸引大批食客品嘗，「即刻比人食爆左」。

網民：依家仲做到呢啲價配呢啲料？

帖文公開後，隨即引來大批食客與網民留言，有人驚訝小店的親民定價，紛紛留言驚嘆「真係好抵」，並反問「香港依家仲做到呢啲價配呢啲料？」，認為在百物騰貴的市道下實屬難得；亦有網民急不及待表示「睇完即刻好想食，係咪限量發售架？」

此外，有曾光顧的食客亦給予實質食評，認同出品的確有水準「雞係滑的啊」，但亦指出「湯夠熱就更加好」，負責人對此回覆並解釋道：「海南雞會降低湯嘅溫度，亦會影響嫩滑度。」與此同時，商場的用餐環境亦成為討論焦點，有街坊坦言「好想幫襯，但西九坐位真係好難坐！」，關注商場座位設施「係咪唔會改」，反映食客在追求高性價比美食的同時，亦相當注重就餐體驗。

來源：ohchicken99@Threads

文：LW