葵涌和宜合道熟食市場擬提早結業！逾40年地標傳最快月尾告終 27年小炒檔主苦呻：望住條數一直蝕就唔會唔捨得
發佈時間：18:53 2026-08-14 HKT
位於葵涌的隱世平民飯堂、擁有逾40年歷史的「和宜合道熟食市場」即將步入歷史。食環署早前向區議會提交文件，原定初步計劃於2027年第一季關閉該市場。然而，最新消息指市場最快或提早於今年8月底拉下帷幕。有植根市場27年的小炒檔主接受訪問時大嘆生意大不如前，不但要動用保險金「填氹」，更直言面對長期虧損，「絕對唔會唔捨得」。
和宜合道熟食市場提早結業 檔主：最快8月尾結束
在市場內經營「真成海鮮小廚」的楊先生，見證了和宜合道熟食市場廿載興衰。關於市場的確實關閉日期，楊先生指目前尚未定案，食環署正綜合現存檔戶的意見統一安排。他聽聞最快可能在8月底，亦有機會是9月中或9月底，預計下星期才會有最終定案。他表示會順應署方安排，一直營業至關閉前的最後一日。
對於即將結業會否感到不捨，楊先生顯得相當豁達：「已經決定咗無得改。無辦法，時代變遷。」他坦言，現今世代熟食市場的環境確實不理想，尤其是夏天夜間氣溫高達三十多度，「無冷氣真係食唔到」。
街坊情懷難敵現實 「再做落去渣都無」
近年經濟環境轉變，楊先生形容生意「直插落去谷底，好惡劣」，慨嘆現時做五日的生意額才等同以往一日。面對龐大經營壓力，他吐露心聲：「如果檔嘢唔使蝕，就一定唔捨得，但望住條數長期蝕，就絕對唔會唔捨得。見到個數字，寧願早啲走。」他透露，為維持營運，已提取數份儲蓄保險的資金填補虧損，苦笑指若繼續做下去恐怕「渣都無」。
談及未來去向，雖然政府有提供協助安排，但楊先生認為重置選址不理想，暫無意搬舖重開。他嘆息現今世道做老闆壓力沉重，「要諗吓點出糧畀人」。不過，回顧多年檔主生涯，最令他動容的還是街坊情誼：「做人要有情有義，有始有終。有啲客人由細細個跟父母嚟食，到依家大個，有自己小朋友再返嚟食，我見到都好開心。」
空置率達五成 食環署擬收地作其他發展
翻查區議會文件，於1984年啟用的和宜合道熟食市場佔地約589平方米。隨着周邊工廠區消減、人口老化及地處隱蔽，市場逐漸失去吸引力。截至2026年4月，出租率僅約50%；而在早前立法會文件中，該市場亦被列為全港空置率高企的公眾街市之一。
想當年市場全盛時期，14間熟食檔全部滿座，涵蓋素食、咖喱、珍珠奶茶、日本菜及火鍋等多元化選擇，百花齊放。如今，食環署指出鄰近已有充足的餐飲及購物選擇，為善用土地資源，計劃關閉市場並騰出用地作其他發展，署方將向受影響租戶發放一筆過特惠金作特別恩恤安排。這座充滿葵涌街坊回憶的熟食市場，終將隨着城市發展成為歷史。
同場加映：盤點2026酒樓結業潮！8個月內執28間 老字號/米芝蓮/連鎖店相繼結業
