港女質疑高檔日式餐廳回收餐點再派鄰枱？夾起豬扒突被喝停「份餐唔係你哋嘅」網民：嗰個客人好慘

更新時間：14:50 2025-11-17 HKT
發佈時間：14:50 2025-11-17 HKT

不少港人鍾情日式料理，認為味道及餐廳環境均有保證，即使定價偏高亦不乏食客支持。不過，最近有港女光顧中環一間高檔日式炸豬扒專門店，惟正當她夾起豬扒準備用餐之時，突被店員「喝停」並表示「話呢份餐唔係我地（事主）嘅」。餐點被收走後，事主更目擊店員在不到一分鐘內由廚房重新出餐，「一個一模一樣既（嘅）二人前就重新出返嚟」，質疑店員回收她的餐點後再派予鄰枱，詳情即看下文！

港女歎高檔炸豬扒突被「喝停」質疑餐廳回收後再派鄰枱？

有港人近日於社交平台發文，指早前惠顧位於中環ifc一間主打高檔炸物的日式餐廳，當時點選一份價值逾$500的「豬扒二人前」。在點餐後不到10分鐘食物已經上枱，當時事主對上菜速度感驚訝，「前菜、主菜、飯、湯呀咁全部上晒枱。我地（哋）係（喺）度諗，咁快既（嘅）」。

惟當事主準備用餐，並夾起一塊炸豬扒時，突被店員「衝返過嚟話喝停」，指該套餐並非屬於事主，隨即「開始收返晒所有野（嘢）」。然而，當時事主已將食物夾起，「老公碗湯差唔多放到埋口」，但店員未有回應，二人亦只好任由其將套餐收走。

事主後來發現店員「攞返個餐入廚房」，但不到1分鐘後，「一模一樣既（嘅）二人前就重新出返嚟」，並目擊該套餐被送至鄰桌。樓主認為，「雖然睇唔到廚房入面做左（咗）咩」，但認定其「夾過」的豬扒已「recycle去左（咗）另一位客人果度」，有感既然食物已放上枱，不如將下一份供應予鄰桌客人，「何必將我掂過果份比（俾）人地（哋）呢」。

網民驚訝：高級餐廳低級錯誤

事件引起不少網民討論，有人表示同情鄰桌客人，「嗰個客人好慘」，又不齒餐廳的處理方式，「高級餐廳低級錯誤」、「幾百蚊一個餐，女侍應嘅做法係連茶餐廳都分分鐘嫌low」、「呢個檔次原來都真係做得出」。有人則表示如遇同類事件，「一定會行過去同另一枱客人講清楚」；有自稱從事飲食業的網民指，「落咗枱一係唔收，收都係掉，點都唔會俾另一個客。」

不過，有網民質疑事主未有親眼目擊店員的處理方式，指控或未能成立，「咁你都係睇到佢拎入廚房，都冇事實，咁咪姐係老屈」、「你睇唔到又點解咁肯定？」而事主則回覆時表示「我睇唔到呀。咁唔通佢收返個餐掉咗佢都唔比我食先，要用多10分鐘再煮過？」

文：TF

資料及圖片來源：Threads