油麻地烘焙店變「麵包界Hermès」？入店前先排隊再「逐個放人入去」網民猜測1原因咁做

更新時間：15:15 2025-11-14 HKT
發佈時間：15:15 2025-11-14 HKT

油麻地烘焙店變「麵包界Hermès」？近年本地興起一陣麵包熱潮，吸引不少港人排隊嘗鮮。最近，有港人發現位於油麻地的「嘉多娜餅屋」門外有約20人排隊輪候，惟店內卻僅得一位客人選購，原來是店方採取的人流管制措施，讓他直言「有種去咗尖沙咀名店嘅錯覺」，更被網民笑稱已進化成「麵包界Hermès」，但亦有網民估計是因1理由而這樣做……

油麻地烘焙店買麵包先排隊再「逐個放人入去」港人笑言：有種去咗名店嘅錯覺

因法式布甸包而爆紅的「嘉多娜餅屋」分別在油麻地、佐敦及何文田設有分店，最近有網民在社交平台Threads發文，指其油麻地分店最近實施全新排隊方式，所有客人都需要先在門外排隊，然後店員會「逐個放人入去買麵包」。該名網民又表示，當日經過時目測約有20人排隊，而店內只有一位客人選購麵包，原先以為排隊客人是為了等待指定麵包款式出爐，但被店員「攔住唔俾入，話所有買麵包都要排隊」，笑言「有種去咗尖沙咀名店嘅錯覺」。

網民猜測1原因咁做：雖然慢但起碼少左紛爭

帖文公開後，有網民笑言「嘉多娜餅屋」已經成為烘焙界名店，「麵包界Hermès，一次都未有幸食到過」；有網民則估計是油麻地分店空間狹窄，如太多客人同時進店，容易導致意外及爭吵，「之前有人因為排隊係度鬧交丫嘛，哩間又真係細左啲」、「間鋪咁細，3-4個人都已經好難行，d（啲）人買包搶到咁，油麻地分店太細喇轉個身都會撞到人，咁樣限制下都好嘅.....雖然慢但起碼少左（咗）紛爭。」樓主亦表示曾數次因為人流太多而「門口都入唔到」，最後只能放棄，「平時一係多人到入唔到，而家就係咁排隊」。

有網民則建議可以前往位於佐敦的分店，人流較少，亦容易買到人氣商品，「嗰間永遠唔使排長龍，次次都買到布甸包。」

資料及圖片來源：Threads、Kadorar Bakery