港人控連鎖酒樓「長腳蟹肉春卷」無蟹肉！拆開全是蝦經理咁解釋 網民疑：會唔會俾錯你？
發佈時間：15:34 2025-11-13 HKT
出外用餐不時會因貨不對辦而引發投訴。最近，有食客在大埔一間連鎖酒樓點選「鮮拆長腳蟹肉春卷」，惟上菜拆開後，發現內裡竟全是蝦肉，隨即向酒樓經理反映，當時獲回覆指因1理由內餡僅得少量蟹肉，惟事主表示「拆開咁多條都見唔到」，事件引起網民熱議，有人質疑是酒樓方面上錯單「會唔會比（俾）錯你呢」，亦有人建議可向有關方面舉報，直斥「既然搵笨，以後就唔好幫襯佢」。
港人控連鎖酒樓「長腳蟹肉春卷」無蟹肉！經理咁解釋……
日前，有食客在社交平台Facebook群組「香港酒樓關注組」分享在大埔一間連鎖酒樓的用餐經歷，指下單點選一份價值$38的「鮮拆長腳蟹肉春卷」，然而拆開春卷時卻發現「挖出來全部係蝦，一啲蟹肉都搵吾（唔）到。」隨即向酒樓經理反映問題，當時經理回覆表示「係向（响）工場拆肉，係得少少吾（唔）會好多蟹肉向（响）入面」，惟事主指「拆開咁多條都見吾（唔）到蟹肉囉」，認為有貨不對辦之嫌，最後酒樓經理將點心取走，並為事主取消單據，「成碟拎走幫我取消了」。
網民質疑：會唔會比錯你？
事件迅速在網上發酵，有網民稱雖然未見有長腳蟹，「但好大粒原蝦」；亦有人笑言食肆的菜式名稱不能盡信，「之前已經試過斑腩飯唔係石斑比（俾）人告，而家仲做埋D（啲）名不符實既（嘅）名，雖然我都覺38真係比（俾）長腳蟹係冇咩可能，等於老婆餅沒有老婆，同一道理。」有網民認為$38不可能供應真正的長腳蟹，「$38蚊整倒長腳蟹春卷？」，而樓主則回覆指「佢個長腳蟹灌温（湯）餃係有蟹肉向（响）入面，唸（諗）住春卷都會有少少掛，點知係一啲都冇。」
與此同時，有網民質疑並非酒樓菜式貨不對辦，而是上菜時已經出錯，「一張相係『粗卷』，另一張相係『幼卷』，兩種唔同既嘢……碟又唔同，會唔會比（俾）錯你呢？」、「睇圖似係兩樣野黎（嚟）啊，長？一啲都唔長喎？」此外，有網民建議樓主「去海關舉報商品說明條例，既然搵笨，以後就唔好幫襯佢，等佢食自己。」
來源：香港酒樓關注組@Facebook
文：LW
同場加映：食水餃麵都要收$10茶錢？名導轟埋單先知「杯茶唔聲唔聲放枱面」網民：個價比得上酒樓
