中環食粉麵被收$10茶錢！名導轟埋單先知「杯茶唔聲唔聲放枱面」網民：食咗碗「搵笨麵」
發佈時間：15:02 2025-11-05 HKT
香港部分食肆需收加一服務費，惟不時因服務質素未如預期而被食客投訴。導演張堅庭日前在社交平台分享在中環一間連鎖粥麵名店的用餐經歷，指離開後檢查單據才發現，除了加一服務費以外，再被收取每位$10的茶錢，醒覺用餐期間「這杯唔聲唔聲放在枱面的單杯茶要10蚊」，質疑此舉形同「隱形服務費」，又指比對成本及味覺享受後，認為「杯茶就真係貴，應該問下我吖」，引起網民熱議。
中環名店食麵都要收茶錢？張堅庭轟埋單先知「杯茶唔聲唔聲放枱面」
香港著名導演張堅庭在社交平台Facebook發文，指日前在中環商場一間連鎖麵店用餐，並點了一碗水餃麵。直至他結帳離開，在檢查單據時才發現原來餐廳在加一服務費以外，會再額外收取每位$10茶位，形容「原來一路這杯唔聲唔聲放在枱面的單杯茶要10蚊」，指出當時未有職員明確表示設茶位費。他又稱，當時認為該杯茶是「服務費內的服務產品」，如非服務費包含的服務，即「當收咗我差唔多20%加一服務費」，惟以雲吞麵成本及當日的味覺享受作比對，認為「杯茶就真係貴，應該問下我吖。」
他補充，以往曾光顧同一食肆位於跑馬地的分店，憶起當時店員會送上一壺茶，對比僅放在枱面的單杯茶，「咁樣收茶錢條氣就順D」。
網民：$10茶位比得上酒樓
帖文公開後，引起不少網民熱烈討論，有網民表示如餐廳僅提供一杯茶，其茶位收費不合理，「$10茶位比得上酒樓，若果收得這價錢，應該要沖壺茶比顧客」、「今次真係食咗碗『搵笨麵』」；有網民則表示早前光顧內文提及的跑馬地分店，指出「跑馬地都要收茶錢我先兩日才去過食，冇一壼茶俾我只是俾一杯，我飲完要叫佢才添俾我！同中環一樣，加一就一定有！」有網民則笑稱餐廳放在枱面的茶水大多不是用作飲用，「其實香港文化杯水係用來浸筷子」。
不少網民亦不滿本地食肆的服務質素及收費不成正比，「好多食肆連最基本紙巾都唔提供，仲要收錢，食完嘢冇紙巾抹嘴，要俾兩蚊買包紙巾，所以香港食肆執笠係有因可尋。」另一網民則指出不能接受吃港式粉麵亦需收加一服務費，「接受唔到食雲吞麵要加一，等於去茶記要加一。寧願唔食，可能我未到嗰個層次」，又建議導演下次可以嘗試其他本地小店，「香港仲好多好食有水準，又唔使咁天花板價錢嘅雲吞麵呀！」
來源：張堅庭頻道
同場加映：港媽路經上環餐廳主廚力邀 觀望後離開遭罵「X你」 店內食客1反應火上加油
