連鎖日式放題「牛太」全線結業！日本黒毛和牛起家網民不捨：食過最好食既燒牛

更新時間：16:54 2025-10-22 HKT
發佈時間：16:54 2025-10-22 HKT

食肆結業潮未完？近日再有連鎖餐廳宣告全線結束。來自日本、以高質黒毛和牛起家的日式燒肉放題「牛太」在官方專頁上宣佈「爐火暫熄」，最後一間位於屯門的分店將於10月26日結束營業，令不少食客感到失落。有網民更感慨表示，牛太是「暫時食過最好食既燒牛」！

日式燒肉放題「牛太」全線結業！4個月連執3間

「牛太」是但馬屋集團旗下的燒肉放題品牌，主打日本黑毛和牛燒肉，其放題套餐包括各式肉類、海鮮及甜品，並提供自助吧任食沙律、軟雪糕等，讓食客享受豐富的用餐體驗。該店所選用的日本黑毛和牛肉質鮮嫩、入口即化，獲不少食客肯定。

該品牌自2022年起進軍香港，先後於馬鞍山、沙田及屯門開設分店，迅速成為區內的熱門燒肉選擇。然而，隨著經營策略的調整，馬鞍山分店及沙田分店連續於今年7月及9月相繼結業。不出4個月，品牌再於官方專頁宣佈，「牛太將會與各位暫別」，最後一間屯門分店將於10月26日結束營業。結業公告如下：

【爐火暫熄｜感謝一路有您】

好多謝大家一直以嚟對日本黒毛和牛焼肉牛太嘅厚愛同陪伴～
好唔捨得咁同大家宣佈，由於營運策略調整，屯門分店將會喺 10月26日 (星期日) 之後暫別大家。

呢一刻，我哋嘅心情百感交集。每當回想起您哋同朋友圍爐傾計嘅熱鬧場面，您哋同我哋講「呢塊和牛真係入口即融！」嘅滿足表情，仲有您哋生日會、團聚嘅溫暖時刻，我哋心裏面都係滿滿嘅感恩同感動。
多謝您，願意將您重要嘅聚餐、慶祝同埋放鬆時刻，留喺牛太。

請相信，爐火暫熄，但回憶嘅溫度唔會褪。我哋集團旗下其他品牌，會繼續用唔同嘅方式，將呢份「Be Happy!」嘅用餐體驗延續落去。
無論您想品嚐咩料理、喺咩場合同朋友聚會，我哋都已經準備好，等您隨時過嚟搵我哋，繼續一齊創造開心嘅回憶！

約定大家，我哋，下次見。