港女凌晨旺角買蛋糕呻中伏！稱收舖前平賣$16/件買3件竟收$50？質問店員獲1回應被惹怒：分明想呃錢

更新時間：17:48 2025-09-15 HKT
發佈時間：17:48 2025-09-15 HKT

店舖或攤檔日常於關店時間前或會推出減價促銷，希望能夠盡快賣出當日的食材或食品，以免做成浪費或損失。近日，一名港女在凌晨時份路經旺角登打士街一間餅店，突然想買清蛋糕「過口癮」。正當她駐足考慮時，店員表示快將「收舖」平賣$16/件，惟結賬時竟收取$50/3件。女事主當場質問被對方1個回應惹怒，直言：「分明想呃錢！」

港女凌晨旺角買蛋糕呻中伏！收費$48變$50 質問店員被1回應惹怒

近日一位港女於網上平台發文，分享自己早前路經旺角一間餅店時的中伏經歷，並希望藉帖文避免大家像她一樣中伏。事源女事主凌晨時段路經旺角登打士街時，由於「口痕想食嘢」，發現一間專賣蛋糕仔的餅店仍然營業便上前一看。當女事主駐足考慮時，店員上前表示快將「收舖」故平賣$16/件，女事主回應一句「好啊」，便思量選擇哪種口味。當女事主仍在挑選口味期間，店員當時再次表示，「唉，買3件，$16/件比（俾）你啦，平啲就閂啦」。女事主想到能與家人分享，「3件都消化到嘅」，便決定埋單。

由於女事主身上沒有現金，示意以Alipay支付，店員隨後展示付款二維碼時表示：「$50得啦」。女事主當時冒起一種奇怪的感覺，心血來潮打開計數機計算一下，店員同時再度強調，「唉，平啲比（俾）你，收你$50得啦」。女事主當場直接質問店員，「$16乘3係$48喎！」豈料店員回應一句「唉，嗰$2你都同我計！你咁嘅！」。女事主付款後便急步離開，直言不想再爭論一句，回家試食後評價清蛋糕「難食，最基本嘅蛋香都無」。女事主認為難食都是其次，重點是店員「分明想呃錢」，希望大家看到帖文後「千祈唔好中我中過嘅伏！」

網民怒斥：做生意最忌唔老實

對於女事主的遭遇，網民表示同情並認為店員並不老實，「唔係$2都同你計，係你連$2都呃扮平咗咁！」；有網民認為不是$2的問題，而是做生意不老實沒誠信，「一開始講好幾多就幾多，最唔要得出古惑」。網民認為女事主應該當場離去，「店員語氣咁勉強，態度又差又前言不對後語，比（俾）我就會唔買直接走人」；有網友表示自己曾於晚上路經同一間店舖，本覺得蛋糕賣相頗吸引，「成日想買嚟試吓，見你咁講，可以慳返」。網民形容店員做法為「借啲意，側側膊唔多覺」，沒想過連電子支付買麵包蛋糕都呃，「電子支付就係為咗明碼實價」。

文:RY
資料及圖片來源:jamie_ben@Threads