網傳營多Indomie正宗印尼食法？撈麵以1方式煎香加辣醬「飽腹感++」 網民：卡路里炸彈！
更新時間：16:59 2025-07-22 HKT
發佈時間：16:59 2025-07-22 HKT
發佈時間：16:59 2025-07-22 HKT
字體大小
印尼營多撈麵Indomie一直是港人至愛，近日網上瘋傳Indomie正宗印尼食法，有網民在社交平台上發文，指該做法是家中印尼工人姐姐所教，「姐姐話印尼人都會咁煮」，將撈麵以1方式煎香加辣醬製成「Indomie pancake」，不但「飽腹感++」，加上蔬菜更可增加口感，即看下文了解詳情！
營多Indomie正宗印尼食法？ 撈麵包裹1物煎香加辣醬
近日，有網民在Threads上發文，分享營多撈麵Indomie的「正宗印尼食法」。樓主表示，該做法是家中的印尼工人姐姐所教，「屋企工人姐姐話印尼人都會咁煮」。有別於一貫做法，將麵餅煮熟後加入調味料拌勻即食用，樓主的「正宗印尼食法」再多數個步驟。
首先將雞蛋打散，再把已煮好及拌勻的撈麵放進蛋液中，確保每一條麵條均掛上蛋液後再煎香，當兩面都煎至金黃色後便可起鍋，最後加上ABC辣醬，成品看起來十分誘人！樓主也指出，這種做法「飽腹感++」，如果想要更豐富口感，也可以添加椰菜一同煎香！
網民熱議：卡路里炸彈！
帖文引起網民熱議，有網民笑稱這是「印尼版大阪燒」、「有大阪燒嘅影子」、「營多蛋餅」，部分網民則直呼「好邪惡」、「脆底勁邪惡！」、「卡路里炸彈！」有嘗試過的網民感謝樓主分享食譜，「除咗第二個工人姐姐煮過呢個比我食之後，一吃萬年，其他工人姐姐都無煮過，形容比佢哋聽，佢哋都唔知道係咩，終於搵到食譜。」
也有網民提出其他營多Indomie食法，「佢地indomie 多數係跟飯食」、「印尼人本身係營多撈飯，本身營多都係食個醬唔係食個麵」；也有網民羨慕樓主有個擅長煮食的工人姐姐，「我當年嘅印尼姐姐幫我煮咗湯麵」、「點解你屋企嘅工人姐姐煮野好似幾好食咁，我屋企嘅工人姐姐係咁….？」
圖片及資料來源：Threads@rachelyyuuu
文：Y
延伸閱讀：石硤尾茶餐廳福建炒飯被讚「夠鑊氣」爆紅！網民實試列4大中伏位：同人哋嗰碟都幾大分別
最Hit
長生津覆檢開始！長者注意紫色通知書 未如期申報或被暫停津貼（ 附最新資產限額＋填表須知）
2026-04-03 19:21 HKT
網傳瀋陽爆隨機斬殺案致多人亡 無頭軀體倒街頭
13小時前
在職家庭津貼2026/27｜4月上調入息資產限額 申請資格/津貼金額/一次性額外款項一文睇清
2026-04-04 11:53 HKT
六合彩｜8000萬復活節金多寶攪珠結果 頭獎一注中幸運兒擸8114萬 齊來對冧巴 !
2026-04-04 21:33 HKT