唐記兩餸飯用日本品種珍珠米？港男直擊送貨驚嘆「估你唔到」網民讚有良心：起碼唔係雜牌米

更新時間：15:32 2025-05-29 HKT
發佈時間：15:32 2025-05-29 HKT

近年不少餐廳為節省成本會選擇轉用「預製菜」，不時引起市民熱議。最近，有港男發現唐記兩餸飯「日嚐」供應的白飯，原來是用上日本品種珍珠米，驚嘆「估你唔到」，更獲網民讚有良心：「起碼唔係雜牌米」。

唐記兩餸飯用日本種珍珠米港男直擊送貨驚嘆「係你唔到」

「預製菜」為預先經過烹調、加工及包裝的半或全製成品，只需要簡單加熱或烹調便能食用，節省時間及成本之餘，亦能提高餐廳的效率。不過，未必每位消費者都能接受「預製菜」的品質。近日，有港男路經荃灣綠楊坊時，剛巧遇上有工人送貨到唐記兩餸飯「日嚐」，更發現「日嚐」白飯採用的是櫻城牌日本種珍珠米，加上在「預製菜」成風的環境下，港男對此大感驚訝：「估你唔到，唔錯喎，唔怪得唐記日嚐飯唔錯」。

網民讚有良心：起碼即場煮唔係預製

對於唐記兩餸飯使用的是現場即製白飯，不少網民亦感意外，「櫻城牌又平又靚」、「性價比高」、「算係咁，唔係啲不知名雜牌米」、「唐記算有良心，起碼用返啲正常米」、「以為唐記係工場預製，點知原來即場煮」。同時，有網民大讚唐記出品抵食，「唐記真心唔差」、「$45又多汁又多飯仲想點」、「又大份味道又唔差」、「起碼價錢同水準成正比，糯米雞好食」。有網民分享家中也是用同一種米，「直接同批發商散買，一家四口一包25kg大約食到兩個月」。

文:RY

資料及圖片來源:kwaifong8@Threads