盧覓雪懶理負評照幫襯九記牛腩！邀合照打卡老闆竟露出這表情？網民轟：見高拜見低踩！
發佈時間：15:06 2025-05-09 HKT
九記牛腩最近爆出拍片鬧客風波成為焦點，近日電台DJ盧覓雪則懶理劣評照去幫襯，大歎咖喱牛筋腩伊麵及清湯腩，更邀請老闆齊齊合照打卡，而向來被指性格火爆的老闆竟然露出一個表情引來網民熱議：「見高拜見低踩！」
九記牛腩陷《愛回家》演員拍片爭議 DJ盧覓雪懶理負評照去幫襯
回顧早前報導：《愛回家》演員控訴九記牛腩「拘禁」食客？拍片起衝突遭老闆擋門唔畀走 最後要咁甩身......
近日《愛回家》男演員秦翊洺因在九記用餐拍片時被老闆制止，繼而引發激烈爭執，秦翊洺後來在抖音平台上載探訪九記的影片，批評九記意圖「非法拘禁」他，更狠指九記就是香港飲食業慘淡的原因，引起大量網民關注。
在爭議聲中，盧覓雪懶理負評照樣去幫襯九記牛腩，並於社交專頁發文，指「見有人衝擊九記，學股神畢菲特話齋，別人恐慌我貪婪，即刻趁低吸納走去食一趟！」又指自己一次過大歎咖喱牛筋腩伊麵、凍奶茶以及清湯腩，表示「大滿足！」不過帖文中的一張合照卻成為網民焦點？
盧覓雪邀合照打卡 九記老闆竟露出這表情？網民轟：見高拜見低踩！
盧覓雪在帖文出曬出與九記老闆的合照，可見老闆露出笑臉，盧覓雪又在帖文下補充：「老闆潘生笑面迎人，同佢打卡冇話唔俾影喎！」似乎是暗指早前的拍片風波。
合照引起網民熱議，有網民直指老闆因盧覓雪的藝人身份而笑臉迎人，不滿留言：「緊係唔X你啦，唔驚你喺大氣電波唱X佢呀。」、「見高拜見低踩！」、「酒醉3分醒，X人睇背景！」、「係你先唔敢得罪啫。」有網民留言：「見到呢個post即時取消追蹤你，完！」盧覓雪則大方回應表示：「隨便！」
不過有網民亦指盧覓雪向來是九記常客，老闆對她笑臉迎人十分正常，翻查2023年的帖文，當時盧覓雪在帖文中大讚九記「無得輸」，續指「現場目測九成係國內同胞」，又表示「越難越愛，越鬧越愛」，捧場多年，看來的確是忠實食客！
亦有網民力撐九記：「冇話係老細啱，但個7線KOL一定仲X街囉！」、「公道啲講，店員同老闆態度正常，只係零笑容，去到邊都係，只要識互相尊重，就唔會發生不愉快事件」、「雖說不上熟客，但咁多年，真係一次都冇遇過不禮貌對待」
來源：盧覓雪@Facebook
同場加映：
內地男食九記牛腩結賬忘帶1東西被職員罵「無腦」 網民搞笑嘲：這間吃的不就是被羞辱感嗎？
九記牛腩「4字俗語」問候遊客？港YouTuber逐點狠批 慨嘆「唔想美食天堂咁快玩完」
九記牛腩服務態度再惹熱議！居港外籍YouTuber挑戰用廣東話點餐 提2要求遭店員「耍手擰頭」
