旺角金苑酒家食晚飯送燒鵝！2大超筍優惠 3折歎有米皇子豬$196/隻

更新時間：12:11 2025-04-03 HKT
發佈時間：12:11 2025-04-03 HKT

開業超過10年的旺角金苑酒家，以皇子豬、燒鵝、阿拉斯加長腳蟹及北京片皮填鴨馳名！近日酒家推出超抵晚市優惠，食客凡惠顧晚飯小菜，即送招牌燒鵝，兩位幫襯都有得送。而另一款招牌「有米脆皮皇子豬」亦推出震撼優惠價，不用3折即歎到全隻皇子豬，超級抵食，即睇優惠詳情！

旺角金苑酒家晚市優惠食晚飯送燒鵝+3折歎有米皇子豬

旺角金苑酒家推出食晚飯送燒鵝優惠。

位於旺角彌敦道的酒樓金苑酒家，經常會推出阿拉斯加長腳蟹、北京片皮填鴨兩食優惠益街坊。而由即日起至4月29日，酒家推出超筍「食晚飯送燒鵝」的晚市優惠。食客逢星期一至日惠顧正價晚市小菜即送燒鵝，2至5位客人用餐，即送例牌燒鵝一碟；6至9位用餐，即送燒鵝半隻；而10位以上用餐，即送全隻燒鵝。

酒家同步推出優惠價換購招牌「有米脆皮皇子豬」，惠顧正價晚市小菜的食客，3至6位可以優惠價$98換購半隻皇子豬（原價$344）；7位或以上可以優惠價$196換購全隻皇子豬（原價$688），低至3折！這兩項優惠供應時間為星期一至日6pm至9pm，每枱限購一款，不得同時使用，並只限堂食，晚市亦會另收芥、酸菜及加一服務費。