$10免切叉燒飯太平做唔住？觀塘「沙士價」燒味店疑似執笠！網民：掙扎過後都係要執

更新時間：16:11 2024-08-02 HKT
發佈時間：16:11 2024-08-02 HKT

香港餐飲業市況低迷，不少食肆都要出招自救，早前觀塘一間燒味店以$10免切叉燒飯紅極一時，不過疑似價錢太平「做唔住」，$10「沙士價」只持續2個月便宣告加價150%，但加價似乎都無法避免結業命運，最近有網民發現燒味店已關閘停業，引起網民熱議。

觀塘$10免切叉燒飯疑似執笠！網民：掙扎過後都係要執

今年年初有觀塘燒味店推$10免切叉燒飯吸客，另加$3有飲品或加$5有例湯，店外隨即出現排隊人龍，銷量日賣更多達500盒，惟$10「沙士價」只持續了2個月，燒味店出告示宣佈加價至$25，另加飲品或例湯亦加價至$8，當時有不少網民認為生意難做，支持燒味店加價。

不過加價似乎無法自救？有網民近日發現燒味店已關閘停業，指「轟動一時（的）$10免切叉飯落幕。」雖然店舖告示寫明「內部裝修，暫停營業」，但有網民指出不少餐廳結業前都會貼上裝修告示，實際是結業，表示：「10元好難唔執」、「叫人賣平啲，終於令老闆賠本收場」、「證明佢賣$10叉燒飯係垂死掙扎，掙扎過後都係要執」、「價錢搞唔準就頂唔住」、「要漲價啦！十元都活不下去」不過亦有網民認為只是暫時停業：「未必執，怕只怕係業主加租同食材加啫」、「$10盒太好賺，唔搬大舖算仁慈，所以決定大裝。」、「下次開翻8蚊免切叉飯。送例湯！」

來源：FB @ 香港茶餐廳及美食關注組