內地男果欄買榴槤連環中伏當場嘔！果肉似拉絲雞胸肉大呻黑店︰把遊客當傻子網民教1地方買防踩雷

更新時間：13:00 2024-05-16
發佈時間：12:59 2024-05-16

又到每年一度食「果王」榴槤的季節！如去油麻地果欄、街市、惠康或百佳等超市走一轉，不難發現水果區已擺放住一堆堆如山般高的榴槤。中國內地是榴槤消費大國，內地人來港遊當然要買個榴槤歎歎。近日有內地男於社交平台分享，在油麻地果欄買榴槤撞正「黑店」，並連續上當兩次，大呻果檔「把遊客當傻子」。

油麻地果欄買榴槤兩中伏內地男呻︰把遊客當傻子

點擊睇內地男果欄買$100/個榴槤上當經過︰

鍾意食榴槤，卻不懂得如何揀個靚榴槤？相信不少人都會將此「重任」交予生果檔老闆，但萬一遇上黑店的話，隨時中伏！日前有位內地男於小紅書上，以「香港油麻地榴槤又上當了，把遊客當傻子」一題發文，大呻於油麻地果欄買榴槤接連中伏的經過，他指自己雖然來過果欄吃榴槤多次、被騙過好幾次，以及經常看小紅書，但都依然上當，又一次「交學費」。

幫襯長龍生果檔仍上當榴槤太難食「當場吐」

事主稱這次來油麻地果欄是幫襯一間以前從未見過的生果檔，但由於檔口有現開的榴槤賣，引來長龍排隊。首先他花了$100買個青尼榴槤，原本見開出的榴槤夠巨型，也滿心歡喜，怎料一嚐後發現榴槤非常難食，甚至要「當場吐」！隨後再於另一間店買多個同樣是$100的榴槤，亦同樣中伏。事主大呻這次買榴槤經歷是「長了教訓」，並提醒網友別再來幫襯這些「黑心商家」。

去年盛況：小紅書大推香港榴槤一條街 $150兩個即開爆多果肉地點非果欄竟然是......

網民同情事主教路一地方買榴槤較難中伏

帖文一出隨即引來不少網民熱議，有「過來人」表示對事主這次買榴槤中伏事件深表同情，贊同黑店「一次比一次差」，更有網民嘲「在香港買水果有很多陷阱」，不單止榴槤，就連買蘋果、雪梨、木瓜都會出事。亦有網民教路，建議事主如想買靚榴槤的話，應去一個地方購買，或是可即場做一件事，就可以確保較少機會中伏。

記者直擊油麻地果欄水果檔售賣榴槤現況

《星島頭條》網記者走訪油麻地果欄，發現水果檔售賣榴槤品種眾多，包括常見的金枕頭、貓山王、乾腰、青尼榴槤等，而各水果檔的榴槤售價差距甚大，以最為人熟悉的金枕頭為例，售價可相差$10／磅，除了有原個榴槤外，部分檔口亦有準備開好的榴槤，方便內地客可以即時享用，金枕頭售價約$158－$178／盒。此外，臨近「收檔」時間（約下午5至7時），部分更會以特價促銷吸引顧客，每磅售價約便宜$2-3。

資料及圖片來源︰達生@小紅書