網民好奇自費試話題店文苑飯莊！埋單$1,808彈足全餐已訂座但餐廳冇紀錄狠批脆鱔球似家鄉雞半隻生煎雞得例牌份量！

自費試話題店文苑飯莊！網民埋單$1,808彈足全餐訂座冇紀錄狠批脆鱔球似家鄉雞！

更新時間：16:28 2024-03-28
發佈時間：16:28 2024-03-28

早前，香港飲食界YouTuber「有啖好食」及「點 Cook Guide」馬田，就因為黃大仙文苑飯莊而掀起一場食評風波。兩人「前後腳」上載文苑飯莊的試食片，但評價則南轅北轍，令網民質疑有人收錢賣廣告。後來，文苑飯莊更獲米芝蓮必比登推介，營運總監獲邀在商台節目回應「食評風波」事件，怎料馬田就公開當晚錄音反擊，怒斥有人講大話，令事件再升溫。最近，有網民在好奇心驅使下，決定自費去文苑「挑機」，看看究竟Youtuber馬田是「講得啱定係抹黑」，立即睇睇網民食評！

回顧早前報道：點Cook Guide vs 有啖好食!? YouTuber前後試食文苑飯莊評價兩極網民質疑有人收錢扮自費

點擊睇「點 Cook Guide」及「有啖好食」食評分享：

回顧早前報道︰文苑飯莊總監電台「澄清」食評風波百萬YouTuber馬田公開錄音反擊網民群嘲餐廳：愈描愈黑

點擊睇文苑飯莊電台回應＋馬田反擊：

網民好奇自費試食文苑飯莊未入座已一肚氣

點擊睇網民文苑飯莊食評分享︰

文苑飯莊早前掀起的一場食評風波仍未平息！有網民日前在社交平台「香港茶餐廳及美食關注組」中發文，稱自己在好奇心驅使下，決定親自自費這間網上熱話餐廳「文苑飯莊」試食，看看究竟馬田是「講得啱定係抹黑」，還是「其他foodie&志雲晴朗的一天搵笨X……」。

豈料未開飯已一肚氣，網民指自己是先致電文苑飯莊訂枱，但有電話錄音叫他改用WhatsApp訂位，並有對話記錄證明他成功訂座。當晚他準時到場，怎料餐廳接待處同事竟然說「搵嚟搵去都搵唔到」，沒有事主的名字及電話記錄。當時總監亦在場，但「好似乜嘢都唔知咁，搞咗幾分鐘好不知所措咁」，最後就叫他跟其他食客share包廂坐，詳情可見上文圖輯。

埋單$1,800彈足全餐招牌菜樣樣冇

點菜環節亦見「驚喜」，事主一心想柯打招牌菜，但「樣樣都話冇」，惟有點其他菜式，包括老火湯、脆鱔球、遠年陳皮一口脆腩、胡椒青花椒生煎雞半隻等，但幾乎碟碟有彈冇讚，未夠10時更有侍應說「差唔多收工」，變相等於被趕走。事主最後失望而回，認為整體用餐感覺的確有點差，更概歎「本身想為你平反，但係冇一個位可以平反到。」

帖文一出，引來網民熱烈迴響，不少人都讚事主是「真勇者」、「我不入地獄精神值得比Like啦」、「下次唔好信個好奇心啦」。網民一睹菜式風采後更笑言「啲賣相仲衰過大排檔」、「食兩餸飯好過」、「賣相唔多吸引，睇份量好少，價錢貴!!」，再度引來一堆劣評，詳情可見上文圖輯。

資料來源：香港茶餐廳及美食關注組@fb