港人北上豪食￥539日式放題 2.5小時內掃食70隻海膽！網民：保重身體

更新時間：16:07 2023-07-12 HKT
發佈時間：16:07 2023-07-12 HKT

北上吃喝玩樂已變成不少港人的假日節目，近日有對港人夫婦分享，早前光顧深圳一間日式放題餐廳，每人花僅￥539即可豪食多款海鮮刺身！二人更在2.5小時內掃食了多達70隻海膽，直呼滿足：「食海膽食飽係咩感覺！」帖文引起網民熱議，有人指該餐廳質素參差，亦有人表示份量之多十分瘋狂：「保重身體！」

港人北上豪食￥539日式放題 2.5小時內掃食70隻海膽！

有網民在Facebook群組「深圳大灣區吃喝玩樂開心分享區」分享，最近為慶祝結婚周年，專誠到訪深圳一間日式放題餐廳「極上萬膳」，他們選擇了「臻選日式放題」放題套餐，每人盛惠￥539，可任食海鮮刺身如板海膽及其他料理，而他們今次專攻鮮活海膽及鰲蝦。

樓主表示「鮮活海膽每次最多叫20隻」，又指「間嘢最主要ge（嘅）問題係上菜好慢，真係要有啲耐性，但啲刺身係夠凍同足數。」最後夫婦二人一共進食了70隻海膽，更滿足表示：「全部都係海膽，食海膽食飽係咩感覺！」、「如果唔係食咗啲蝦有啲漏（膩），我覺得我哋可以食到100隻！」

港人北上豪食70隻海膽！網民：保重身體

樓主掃食海膽數量之多引起網民熱議，有網民表示羨慕：「我都好想咁食……但我好驚膽固醇會爆錶（表），保重身體呀師姐！」、「嘩見到啲海膽流曬口水」

不過，亦有人指該餐廳食物質素參差，而且服務水準有待改善：「我就係被相呃咗以為好食，點知好難食！海膽無味㗎！」、「我食過，叫個最貴嘅餐，活海膽賣哂，就連普通手指尾甲大細嘅海膽叫咗5粒，然後就賣晒，做唔起唔好學人做放題，不過整體唔算好差」、「我上次同老婆去食，食咗26板海膽，質量當然唔係高嗰種，不過都過足癮」、「呢間嘢被大陸個網紅話好差，食物送唔夠上枱，次貨扮上貨，再叫話無貨。」

樓主回覆表示「我今次好彩，每次都足數上檯，無話無貨，至於慢，係真係堅慢，睇個人接唔接受到。」至於味道方面，樓主則認為「我覺得質數（素）可接受，一定無日本嗰啲鮮甜架喇！」

來源：Facebook群組 @ 深圳大灣區吃喝玩樂開心分享區