Bob代陳庭欣發聲否認有新戀情 續為老友物色筍盤

更新時間:12:15 2026-11-22 HKT
發佈時間:12:15 2026-11-22 HKT

林盛斌(Bob)昨晚(21日)出席慈善音樂會,他指待會需要唱歌,但最近因為嗌得大聲,所以有點聲沙,但有歌星在場自己也想唱得好一點,不想失禮。提到方力申(小方)宣布太太懷第二胎,Bob指對方出帖前有跟他講,又讚小方勁,因女兒一歲左右現在又有喜,湊成「好」字:「都幾犀利,幾強壯吓,我都問佢會唔會仲繼續生?佢話再決定啦。」Bob謂開心的見到身邊朋友生小朋友,慢慢建立自己的家庭,問到小方是否在追趕他?Bob笑說:「我四個真係難小小,最多追平,唔係五個咁勁嘛?」

Bob為《鑽石戀愛計劃》提供貨源

至於一向有介紹「筍盤」給陳庭欣(Toby)認識的Bob,對於她被指暗撻從事電燈生意的Gary,Bob指不認識男方,事後亦有傳訊息問陳庭欣,但對方否認,表示只是朋友;又謂之前有介紹朋友給陳庭欣認識,可能那些也真的不太適合,不過他指陳庭欣又靚又叻又搵到食,所以要找男友並不難。續透露,陳庭欣擇偶要求是正經、正常,不需要很有錢和靚仔:「我諗佢而家追求心靈上嘅嘢多啲,佢可以自己搵到食,唔一定要靠男人,(你肯定陳庭欣單身?)佢同我講話係,佢要呃,我個人比較單純,如果佢要呃我,我弱小心靈都好容易受創。我覺得佢唔會呃我,佢都話有嘅就繼續介紹。」Bob又指現時手上只剩下幾個筍盤,之後TVB也會搞《鑽石戀愛計劃》,讓年紀大一點的人參加,自己也想,朋友是否也想參與。