胡定欣唔追老友生B步伐 笑方力申兒子壓力大︰難超越爸爸

更新時間:11:45 2026-11-22 HKT
發佈時間:11:45 2026-11-22 HKT

胡定欣昨晚(21日)在澳門出席「浪接浪港澳群星慈善音樂會」,她除了獨唱外,更與方力申(小方)合唱《好心好報》,小方在台上指跟定欣認識30年,定欣則恭喜他再完成「港澳慈善游」這個創舉,認為他是一個很好的學習榜樣,讓大家知道如何去克服難關。受訪時,定欣指小方一向好勁,自己坐車到澳門期間一直有開直播看他游,覺得好佩服,也笑言曾想過晚上六點開騷,他是否趕得切游到澳門,而最後小方更打破紀錄和比預期中快,真的覺得他很犀利,打從心裏很敬畏這位朋友,又指小方由港隊到現在,人生每一個階段也有自己的突破:「上次環島泳,比今次仲遠,但今次係游出大海,我以後經過港珠澳大橋,就會諗起方力申,同埋今次做慈善,好有意義。」

胡定欣︰以後過大橋就諗起方力申

提到小方宣佈又做爸爸,問定欣會否想追趕對方?她即扯開話題笑說:「其實係雙喜臨門,因為佢都係臨出post之前同我哋分享,話我太太有咗個仔,唔係淨係外父相,(有冇問點解又成功?)佢今日嘅表現話俾大家知點解佢又成功,等我喺度諗做佢仔仔點樣要超越爸爸都好高難度。」再追問定欣何時生仔?她說:「我冇需要,我冇呢個方向嘅打算。」又指看完小方游水,對時間有新的觀念,笑指他可游超過8小時到澳門,自己坐車坐8小時應該也沒問題。

胡定欣否認撮合劉愷威、黎紀君

《東周刊》早前獨家爆出劉愷威與黎紀君甜蜜約會,之後兩人更大方認愛,而胡定欣與老公近日更跟劉愷威與黎紀君、洪永城及梁諾妍一起去打網球,她指自己不是劉愷威的媒人,也只是跟對方打了一次波:「嗰次咁啱佢哋叫埋我,(熟唔熟?)都識嘅,(知佢拍拖好耐?)唔係呀,都係睇新聞先知,因為我都有一年冇見過愷威,佢嘅女朋友都見過,因為佢同梁諾妍係好朋友。」問到兩人打波時是否像她一樣跟老公咁sweet?她指打波只是望對手,不會看其他,但見到他們也很開心,至於是否有叫他們快點結婚?定欣表示沒有,朋友拍拖開心就可以。