張達倫攜妻談前度黎芷珊 指頻頻聯絡冇問題 太太Kimmy直認介意:點解搵得咁密
發佈時間:17:05 2026-11-17 HKT
現年48歲的張達倫近日與太太Kimmy恩愛合體,齊齊作客由伍詠薇與李凱賢(Brian)主持的節目《九運會客室2》。節目中,眾人談及張達倫與舊愛黎芷珊長達9年的昔日情史,更首度大爆前度與現任妻子之間微妙的相處細節。張達倫至今仍頻頻與黎芷珊聯絡,甚至「冇問過太太意見」,而太太Kimmy亦大方承認確實有過介意,引來熱議。
張達倫聯絡黎芷珊冇問太太
在《九運會客室2》中,主持人伍詠薇極為好奇,究竟男方是如何做到與前度如家人般相處。伍詠薇追問張達倫,頻頻聯絡黎芷珊時「有沒有考慮過太太會否介意」,一旁的Kimmy即時搶答笑指:「好似冇問過我,冇問過我介唔介意呢句嘢!」
相關閱讀:九運會客室2本周預告丨伍詠薇爆遭舊愛痛打 剖白21歲新婚喪夫歲月 馬賽細談不雅片風波
張達倫太太:點解搵得咁密
Kimmy坦言,起初得知二人聯絡頻繁時,心裡確實會有些不舒服,直言:「初初有嘅,即係都會介意嘅,哎呀,點解搵得咁密呀,或者點樣。咁但係有時又覺得,哎冇辦法,即佢哋本身都拍咗拖咁耐嘛。」不過,隨著時間推移,Kimmy憑著女性敏銳的直覺,發現黎芷珊對張達倫完全沒有任何餘情復熾的曖昧意思,純粹是光明磊落的朋友交往,於是便放開懷抱,大方接受。
張達倫:搵黎芷珊佢冇問題
面對主持人的質疑,張達倫展現了極具代表性的男士思維。他強調,一段成熟的關係並不需要在分手後強行切斷聯絡,有得意的事互相分享是很正常的事。他更解釋,自己之所以不問太太意見,是因為在他眼中這件事根本「冇問題」:「如果我問你『我同佢聯絡你OK唔OK』,就代表呢件事有啲嘢、代表有問題!喺我嘅角度就係冇嘢,所以我先唔會問。」
相關閱讀:Brian李凱賢主持《九運會客室2》再被轟災難 網民狠批只顧爆粗唔做功課:不尊重嘉賓
若太太反對張達倫就終止聯絡
節目中,主持伍詠薇假設性提問,如果太太Kimmy開聲反對「我不准你再找她」,張達倫會如何應對?張達倫毫不猶豫地回答:「咁咪唔搵囉!」直言男人的想法其實非常簡單,老婆不喜歡就立刻停止。李凱賢(Brian)隨即附和笑指,如果前度問起「點解最近少聯絡」,直接回答「因為我老婆唔鍾意」便可,這正是男人與女人之間最直接、最簡單的溝通分別。
張達倫黎芷珊關係有如家人
回顧張達倫與黎芷珊的昔日情,當年25歲的張達倫遇上年長12年的黎芷珊,兩人無懼年齡差距與知名度懸殊,譜出一段長達9年的姊弟戀。在愛情長跑中,張達倫一直默默協助黎芷珊製作攀上事業高峰的節目《最佳男主角》。然而,渴望組織家庭的張達倫,最終踩中了黎芷珊「不婚不育」的底線,雙方遺憾未能走到最後,決定和平分手。不過,這段感情並未因分手而畫上句號,反而昇華成知己。黎芷珊如今早已融入張達倫的家庭,每年都會出席張達倫兒子的生日會並派利是,甚至曾與張達倫一家三口一齊到澳洲旅行,關係好比家人。
相關閱讀:張達倫罕揭與黎芷珊「姊弟戀」9年情斷真相 妻兒移居澳洲陷抑鬱再受面癱折磨

















