Brian李凱賢主持《九運會客室2》再被轟災難 網民狠批只顧爆粗唔做功課：不尊重嘉賓
發佈時間：22:30 2026-11-11 HKT
組合廿四味成員李凱賢（Brian）自HOY節目《九運會客室》第一季起，已被網民狠批在節目中瘋狂爆粗，而且不做功課，表現被指影響節目質素。當時Brian曾回應網民意見，稱知道網民反應，卻因為講粗口已是習慣，所以不會理會，繼續我行我素。而在最近推出的《九運會客室2》中，Brian依然有得留底，與伍詠薇（伍姑娘）繼續合作擔任主持，其工作態度再度惹來網民炮轟。
Brian李凱賢被細數「不做功課」罪狀
近日HOY再推出訪談節目《九運會客室》第二季（《九運會客室2》），仍由伍詠薇及Brian李凱賢做主持。但連日來在節目上，Brian的表現再被網民狠批「瘋狂爆粗、不做功課」，而且在嘉賓面前更是變本加厲，直言「我完全唔X知係邊個」，惹來網民斥責「冇家教」、「對嘉賓極度不尊重」、「拉低節目質素」。
夏文汐、朱智賢均為受害者
在本周的節目中，網民指出Brian的主持表現是災難級別，對本港娛樂圈近乎一無所知，屢屢表現出無知一面。網民細數：「近排訪問夏文汐的佢所有電影近乎一套都無睇過（除自己有拍的寒戰），根本就唔明夏當時給人的觀感同有幾紅，連嘉賓都勸佢你要睇番晒我拍的戲（佢當然即時答應，但佢應該唔會咁做）睇睇下訪問我作為觀眾都戥佢尷尬」、「最攞命係佢連朱（智賢）嘅前男友（謝東閔）都唔知係邊個，對娛樂圈完全唔熟悉」、「受訪嘉賓係會明顯感覺到佢係完全唔知自己嘅資料，呢啲資料網上隨手可得，真係睇下佢自己有冇願意用咁多時間去了解做準備」等。
相關閱讀：Brian李凱賢被狠批節目狂講粗口 揚言「已習慣」拒改用字 霸氣回應：問心無愧做返自己
Brian李凱賢瘋狂爆粗兼晒英文
Brian除了不做功課外，在節目中「成日晒英文講粗口」的主持風格，同樣令觀眾反感：「喺嘉賓面前咁講，真係0尊（零尊重）」、「一個字『廢』！以為講粗口就好型，實係就造作非常」、「其實佢啲粗口多到煩，有時覺得好似為講而講咁。同埋既然乜都唔識，又唔做下功課，咁就真係唔好做訪談節目」。另有不少網民大讚拍檔伍詠薇專業，能與任何嘉賓暢聊，完全是「一個人撐起整個節目」。
相關閱讀：何超儀發文鬧爆有人借陳子聰病情宣傳 疑暗指廿四味李凱賢攞好處：適可而止！
Brian李凱賢精通四文五語
雖然Brian在節目中的表現遭到網民瘋狂抨擊，但現實中其背景大有來頭。年過半百的Brian在印尼出生，11歲時移居香港，並在國際學校就讀。Brian精通四文五語，包括英語、粵語、普通話、日文及韓文，1999年創辦滑板店公司，並加入Hip-Hop組合「24味」（24Herbs）。近年他嘗試向影視及廣告界發展，曾參演《寒戰》、《使徒行者》等作品。
相關閱讀：李凱賢加入廿四味與陳子聰合作長達19年 精通四文五語太太為女團成員
Brian李凱賢對太太一見鍾情
私底下的Brian是不折不扣的「錫老婆顧家男」，與前韓國組合Tashannie成員Annie Lee於2004年結婚，2010年誕下女兒李思妃（Tayla），結婚多年感情依然甜蜜。Brian曾透露2003年跟表兄弟去韓國旅行時，在表哥的朋友介紹下，對Annie一見鍾情，二人認識僅七個月，他便向女方求婚。
