李龍基默認為王青霞傾家蕩產 認要重頭嚟過指錢財身外物 嘆舊愛冷漠：一句道歉都冇
發佈時間：12:02 2026-11-15 HKT
現年76歲的李龍基與年輕數十載的王青霞（Chris）一段轟動全城的「爺孫戀」雖然已經畫上句號，但餘波依然未了。早前李龍基跟一班昔日《歡樂今宵》的台前幕後舊雨新知聚首一堂，他受訪時再談及這位前未婚妻，不但剖白自己「一朝被蛇咬」的感情創傷，更疑似默認因這段情而令多年積蓄見底，令不少網民都替他的財政狀況大感憂心。
李龍基怕咗女人？
回復單身的李龍基表面看似瀟灑，坦言相當適應目前自由自在、無拘無束的獨居日子：「暫時真係幾享受呢個單身嘅」，但今次情傷的確令他元氣大傷。李龍基直言目前仍未完全走出陰霾，更因此對異性築起高牆，缺乏安全感：「你話冇就假嘅，都有啲嘅，不過都放下啦！令到我好似……對所有女性都有啲防備，真的有啲防禦嘅。不過我都盡量壓抑自己，希望將所有嘢放下，我諗都放下咗九成八啦」。
相關閱讀：李龍基鋪路復合？驚爆王青霞與內地老公協議離婚：照我估計，呢個先生可能都大問題
李龍基心酸嘆舊愛冇道歉
李龍基透露寓所內至今仍擺放着女方留下的大批私人物品，他亦已開聲催促對方盡快執拾清場：「啲衫啊褲啊都仲喺度，我都同佢講，叫佢搵快遞攞走啦」，最令李龍基感到唏噓與心酸的是，由風波爆發直到分手收場，自己一直癡心一片、出錢出力，但女方由始至終都表現冷漠。對於對方有否向他致歉或道謝，李龍基苦笑直認：「冇，一個道歉或者謝意都冇。」雖然起初難免感到耿耿於懷，但李龍基表示現時已看化一切，並大方祝福舊愛往後生活美滿。
李龍基默認傾家蕩產
至於坊間盛傳李龍基為了這段感情散盡家財，甚至引發網民揣測其銀行戶口是否已經「清零」，李龍基受訪時並無加以否認，直言要靠自己雙手「由頭來過」再搏殺：「錢財身外物，我真係對錢唔多敏感！有好多錢係我自己使嘅，亦有好多錢係大家一齊使嘅。無所謂啦，最緊要身體健康，有飯開、有工開。我現在重新再起步！重新再做過人！」
相關閱讀：李龍基哭談分手：我係第三者 首認14年「爺孫戀」玩完 拒向王青霞老公道歉丨獨家
