李龍基默認為王青霞傾家蕩產爆分手「後遺症」怕咗女人？嘆舊愛冷漠：一句道歉都冇

更新時間：12:02 2026-11-15 HKT
發佈時間：12:02 2026-11-15 HKT

現年76歲的李龍基與年輕數十載的王青霞（Chris）一段備受矚目的「爺孫戀」雖然已經落幕，但餘波未了。早前李龍基與一班昔日《歡樂今宵》的台前幕後好友聚會，他受訪時再度談及這位前未婚妻，除了剖白自己「一朝被蛇咬」的感情創傷外，更默認因這段情而令多年積蓄大減，令不少網民擔心他的財政狀況。

李龍基對異性築起防線

回復單身的李龍基表面看似瀟灑，坦言相當適應目前自由自在的獨居日子：「暫時真係幾享受呢個單身嘅」，但這次情傷確實令他元氣大傷。李龍基直言目前仍未完全走出陰霾，更對異性產生戒備，缺乏安全感：「你話冇就假嘅，都有啲嘅，不過都放下啦！令到我好似……對所有女性都有啲防備，真的有啲防禦嘅。不過我都盡量壓抑自己，希望將所有嘢放下，我諗都放下咗九成八啦」。

李龍基嘆舊愛無道歉或致謝

李龍基透露家中至今仍擺放著女方留下的大批私人物品，他亦已催促對方盡快收拾：「啲衫啊褲啊都仲喺度，我都同佢講，叫佢搵快遞攞走啦」。最令李龍基感到唏噓的是，由風波爆發到分手收場，自己一直付出不少，但女方卻表現冷淡。被問到對方有否向他致歉或道謝時，李龍基苦笑承認：「冇，一個道歉或者謝意都冇。」雖然起初難免耿耿於懷，但李龍基表示現時已看開一切，並大方祝福舊愛往後生活美滿。