TVB節目巡禮2027｜高海寧「老公」現身或由黃宗澤客串 鍾澍佳爆佘詩曼未應承拍《新聞女王III》
更新時間：22:44 2026-11-10 HKT
發佈時間：22:44 2026-11-10 HKT
發佈時間：22:44 2026-11-10 HKT
字體大小
TVB節目巡禮預告《新聞女王III》開拍，該劇總監製鍾澍佳透露寫了幾集劇本，指前兩季都有一定口碑，「呢個Season係最後一個Season，我唔會再拍，所以更加要好好珍惜！我噚晚都同緊佘詩曼講，叫佢畀多少少時間我。（佢答應咗你？）我哋未做好晒所有劇本之前，其實都唔可以話答應。就算係第一季、第二季，我都係畀晒劇本佢睇。」
高海寧有默契即埋位
鍾澍佳續指，佘詩曼有興趣，點都要睇晒劇本先。問到是否因此而預告片不見佘詩曼縱影？他表示無關，指《新聞女王III》會延續上季還未交代的事。預埋高海寧？他表示會，未死的角色也會出現，亦會加入重要新角色。高海寧好開心有份演第三季，珍惜再次合作的機會，「合作兩季之後，大家默契越嚟越好，基本上第二季唔需要點樣熱身，所以第三季都好期待。」笑指自己不需要看劇本。鍾澍佳預告，她劇中老公「王偉」回歸，若有需要會拍膊頭叫黃宗澤客串。
