玫瑰戰爭丨陳豪驚爆娛圈黑幕 林夏薇難忘新人被走數 姚子羚自爆被導演喝到喊
發佈時間：06:00 2026-11-10 HKT
台慶劇《玫瑰戰爭》昨晚首播，劇中演員陳豪、陳展鵬、馬國明、林夏薇、傅嘉莉及陳自瑤等到電視城出席首映禮，林夏薇、姚子羚與傅嘉莉更大唱片尾曲《大娛樂家》，而總監製鍾澍佳指現在心情似對六合彩，因為觀眾越喜歡就代表中的數字越多，又指拍這劇做資料蒐集的時候，見識到娛樂圈的山頭文化、如何摙人頸等，這些都是曾發生過，雖自己沒親身經歷，但都見過，也會在劇中呈現：「希望大家可以睇到最暗黑嘅職場，就係娛樂圈。」
陳豪演娛樂大亨財色兼收
陳豪於劇中演娛樂公司老闆，與旗下藝人林夏薇及經理人兼藝人的姚子羚有感情線，他笑指今次是娛樂大亨和財色兼收，林夏薇謂受陳豪力捧成一姐，問是否跟和現實一樣？她即謙虛地表示不是：「我係後輩嚟，有好多前輩喺前面。」姚子羚就指是林夏薇的經理人及好姊妹，但因兩人也喜歡陳豪，所以對林夏薇又愛又恨。對於兩女為陳豪爭風呷醋，問他是否在旁邊食花生？他說：「冇錯！作為生哥（劇中角色）呢個位，就係睇下啲女藝人點樣鬥過你死我活。（多親熱戲？）有好多，不過我係喺度欣賞同妒忌。」
《玫瑰戰爭》講娛樂圈黑暗
對於今次劇集講娛樂圈的黑暗，問三人是否也有類似經歷？林夏薇指雖未至如劇情般誇張，但做新人時亦試過被忽視及做臨時演員時被走數的情況：「對於我哋嚟講都係一個成長過程。（追唔返？）實追唔返，我個人比較正能量，會覺得呢個其實係一個好好鍛鍊機會，有得去演角色已經好感恩。」姚子羚也自爆跟馬國明合作時曾被導演呼喝，令她覺得好委屈：「我純粹問導演張凳會唔會遮住鏡頭，導演即刻喺控制室嗌咪，叫我坐前啲，好大聲，我當時覺得好委屈，結果含住泡眼淚演埋場戲。」不過她指之後有遇過該導演，對方亦為此事主動道歉。
陳豪試過收唔到尾期片酬
而陳豪則謂拍電影時試過收唔到尾期片酬：「係我哋演員必定經歷過嘅事，經一事長一智，如果唔係收唔到尾期，我哋下次就唔會識先收錢先拍埋最後嗰啲。」他謂被「走數」在電影圈是很正常的事，自己還好只試過1、2次，問到剛到廈門出席完第三屆「香港之夜」電影盛會的林夏薇聽完會否不敢拍戲？她即表示想拍電影，又開心今次能回家鄉和兩岸三地的優秀影視工作者去交流、學習好開心：「作為演員都想多啲嘗試，遇到導演八爺袁和平好開心，（有冇自薦？）未敢，見到一個大前輩好開心，因為都知道佢有好多好勁嘅作品！」而她又透露早前去過堂兄林峯有份拍攝的電影《九龍城寨之終章》拍攝現場看煞科：「行咗個Tour睇咗個場景，覺得同拍劇好唔同。（林峯有冇介紹導演你識？）導演喺度有傾吓偈，我喺度學嘢費事阻住佢哋，就坐喺度睇。」
