歐瑞偉確認《星島頭條》爆「大小姐」「送水輝」返家李偉健叫「家姐」請食飯

更新時間：21:15 2026-11-08 HKT
發佈時間：21:15 2026-11-08 HKT

歐瑞偉（KC）、李茵彤、李偉健（Terry）、何依婷、周志康、趙浚承、容天佑、吳兆麟、潘靜文、關曜儁、林沚羿今日出席《愛・回家之三代同糖》快閃宣傳活動。眾人拉大隊在北角街市巡遊，浩浩蕩蕩由街頭行到街尾，正值星期日，沿途吸引了不少粉絲和市民跟拍影相，還有不少「工人姐姐」睇熱鬧打招呼，可見《愛・回家》相當有吸引力。

李偉健受傷休息得劇組遷就

歐瑞偉（KC）和李偉健（Terry）大騷「六嚿腹肌」戴上拳套巡遊，原來活動主題是他們兩位爭奪何依婷芳心，兩人更在街頭「大打出手」。他們接受訪問時，KC笑言：「六嚿腹肌好易啫，頂一頂咪有囉，使乜練啫。」Terry透露自己受傷，要休息數月。會不會影響拍攝？他指劇組會因應他的狀況遷就：「劇組好好，會就住我啲動作。」

歐瑞偉李偉健開心林淑敏許家傑加入

《星島頭條》爆「大小姐」林淑敏、「送水輝」許家傑九成九加入《愛回家之三代同糖》。有記者表示似是有新成員加入，Terry聞言即說：「等我打電話問吓佢先！」更作勢想取出電話。KC：「大小姐囉！」Terry：「你做咩講個名出嚟呀。」KC：「好開心嘅，大家返嚟聚一聚。我都係睇人哋啲新聞。」Terry也笑言：「如果家姐返嚟，第一日我就請佢食飯！之後佢就日日都請我哋食飯！」KC表示是睇新聞才知道林淑敏「回家」，其後問監製才得到證實。Terry補充：「家姐如果你見到訪問，返嚟記住多啲請我哋食飯。」

歐瑞偉否認擔大旗救收視

記者提到KC和Terry擔大旗「救收視」，會否有壓力？KC回答：「擔大旗我覺得唔係，係冰冰（車婉婉）、三太佢哋。」有記者提到他們加入後收視上升，KC謙虛說：「開心嘅，有種返屋企感覺。」早前單立文和雷頌德開live，雷頌德事後爆「原本班底價錢高。」KC說：「呢啲係佢哋講之嘛，要問高層先知。」他們有沒有加人工？他也回答：「我呢啲合約制。」表示回歸《愛・回家》後人工照舊。

↓追蹤《星島頭條》WhatsApp頻道↓