張致恒窮到一塊豬扒4個仔分食：寧願佢哋冇出世公開堅持唔攞綜援原因親解性上癮標籤

更新時間：16:00 2026-11-01 HKT
發佈時間：16:00 2026-11-01 HKT

張致恒（Steven）與老婆區燕雯（雯雯）結婚後育有四子，近年一家六口深陷財困及家庭問題泥沼。身負百萬巨債的張致恒，近日接受訪問自揭慳錢辛酸，透露曾窮到只買十元一塊豬扒，再分給四個年幼兒子果腹。但即使窮到貼地，他仍堅拒申領綜援，全因童年時父親曾領綜援，令他需代父去沙灘撿垃圾做社會服務，留下極大陰影：「我好抗拒『綜援』呢兩個字，如果你攞咗綜援，依靠綜援生活，你真係唔會再有去賺錢或者去努力嘅諗法。」加上領取綜援便不能聘請外傭，他與太太雯雯根本無力獨自照顧四個孩子，他苦笑反問：「如果冇工人，得我同太太困獸鬥嘅時候，會唔會離婚仲快呢？」

張致恒求神帶走自己照顧四子身心俱疲

照顧四名年幼兒子幾乎耗盡夫妻所有精力。張致恒指大仔天寶性格焦慮敏感、有情緒問題；三仔天朗因早產導致呼吸系統欠佳：「因為佢係早產BB，呼吸唔太好，晚晚都要聞氣。」而二仔天牧更確診自閉症及過度活躍症，情況最令人憂心：「佢坐喺度玩屎抹落幅牆度，佢有時會突然間驚醒，大嗌『爸爸拖住拖住』，我要即刻拖住佢，佢先可以瞓得着。」面對沉重的醫療與生活開支，夫妻被迫分房睡以分頭照顧孩子，張致恒坦言每晚都被壓得喘不過氣：「每日都好徬徨，自己會偷偷地，等佢哋瞓熟晒嘅時候，自己走出露台喊。每晚祈禱，我都同耶穌講，你帶我走啦，我唔想煩，你帶我走。」儘管太太雯雯頻頻在網上發洩痛罵，他也堅拒離婚以免孩子在單親家庭長大，但內心卻充滿愧疚：「如果俾我揀，我真係寧願佢哋冇出世，總好過依家一直跟住我去捱。」

張致恒愧對舊戰友關智斌、阿Sa

回首當年的荒唐歲月，張致恒最自責的是沒有好好向戰友關智斌（Kenny）交代。當年醜聞引爆後他連夜由泰國返港，獨留好兄弟面對殘局：「我冇膽量面對，我冇同Kenny做一個交代。」直到後期他才敢致電關智斌，對方毫無責怪，只淡淡說了一句：「唔好諗，諗前面啦，後面嘅嘢唔好諗。」回想關智斌如親兄長般的包容，張致恒坦言：「好想有機會可以彌補返，但我知呢個機會，可能100%入面得1%會發生。」此外，他亦因屢次借錢不還而信譽破產。當年大仔出世花光積蓄，他首先向昔日好友蔡卓妍求助，阿Sa當時二話不說仗義相助：「得喇，咩都唔使講，我信你，我明你。」惟他長期入不敷支未能還款，更不斷向身邊人借貸，終令阿Sa心死取消關注，將他降級為「前朋友」。張致恒對此懊悔不已：「問佢借係一個好錯嘅決定，我覺得最重要係坦白，但我唔識得坦白，變咗激嬲晒所有人。」

張致恒澄清「性上癮」純屬失言自認易動真情

至於當年引爆「一腳踏五船」醜聞後，「性上癮」三個字一直成為他撕不掉的標籤。張致恒直言這是一生中最懊悔的失言：「點解會有『性上癮』呢三個字出現呢？我記得做錯事俾人爆出嚟之後，我返TVB拍節目，喺一廠門口記者等緊我，突然間有位記者話：『你咁樣會唔會係患病？會唔會係性上癮之類？』跟住我就回咗一句：『可能有咁嘅問題。』」他苦笑指當時純粹想開玩笑打圓場，沒料到禍從口出：「呢三個字，其實喺呢十年以嚟，對我嚟講係一個最大嘅傷害。每一次見到標題寫住『張致恒性上癮』，係唔好受。」他承認自己性格有致命缺陷，容易對身邊女性產生感情：「我由細到大都有個缺點，就係我好容易鍾意一個人，只要對住嗰個人耐咗，就好容易產生一種想同佢一齊嘅感覺。所以一直以嚟，啲人都話我係一個渣男。」