张致恒穷到一块猪扒4个仔分食：宁愿佢哋冇出世公开坚持唔攞综援原因亲解性上瘾标签

更新时间：16:00 2026-11-01 HKT
发布时间：16:00 2026-11-01 HKT

张致恒（Steven）与老婆区燕雯（雯雯）结婚后育有四子，近年一家六口深陷财困及家庭问题泥沼。身负百万巨债的张致恒，近日接受访问自揭悭钱辛酸，透露曾穷到只买十元一块猪扒，再分给四个年幼儿子果腹。但即使穷到贴地，他仍坚拒申领综援，全因童年时父亲曾领综援，令他需代父去沙滩捡垃圾做社会服务，留下极大阴影：「我好抗拒『综援』呢两个字，如果你攞咗综援，依靠综援生活，你真系唔会再有去赚钱或者去努力嘅谂法。」加上领取综援便不能聘请外佣，他与太太雯雯根本无力独自照顾四个孩子，他苦笑反问：「如果冇工人，得我同太太困兽斗嘅时候，会唔会离婚仲快呢？」

张致恒求神带走自己照顾四子身心俱疲

照顾四名年幼儿子几乎耗尽夫妻所有精力。张致恒指大仔天宝性格焦虑敏感、有情绪问题；三仔天朗因早产导致呼吸系统欠佳：「因为佢系早产BB，呼吸唔太好，晚晚都要闻气。」而二仔天牧更确诊自闭症及过度活跃症，情况最令人忧心：「佢坐喺度玩屎抹落幅墙度，佢有时会突然间惊醒，大嗌『爸爸拖住拖住』，我要即刻拖住佢，佢先可以瞓得着。」面对沉重的医疗与生活开支，夫妻被迫分房睡以分头照顾孩子，张致恒坦言每晚都被压得喘不过气：「每日都好徬徨，自己会偷偷地，等佢哋瞓熟晒嘅时候，自己走出露台喊。每晚祈祷，我都同耶稣讲，你带我走啦，我唔想烦，你带我走。」尽管太太雯雯频频在网上发泄痛骂，他也坚拒离婚以免孩子在单亲家庭长大，但内心却充满愧疚：「如果俾我拣，我真系宁愿佢哋冇出世，总好过依家一直跟住我去挨。」

张致恒愧对旧战友关智斌、阿Sa

回首当年的荒唐岁月，张致恒最自责的是没有好好向战友关智斌（Kenny）交代。当年丑闻引爆后他连夜由泰国返港，独留好兄弟面对残局：「我冇胆量面对，我冇同Kenny做一个交代。」直到后期他才敢致电关智斌，对方毫无责怪，只淡淡说了一句：「唔好谂，谂前面啦，后面嘅嘢唔好谂。」回想关智斌如亲兄长般的包容，张致恒坦言：「好想有机会可以弥补返，但我知呢个机会，可能100%入面得1%会发生。」此外，他亦因屡次借钱不还而信誉破产。当年大仔出世花光积蓄，他首先向昔日好友蔡卓妍求助，阿Sa当时二话不说仗义相助：「得喇，咩都唔使讲，我信你，我明你。」惟他长期入不敷支未能还款，更不断向身边人借贷，终令阿Sa心死取消关注，将他降级为「前朋友」。张致恒对此懊悔不已：「问佢借系一个好错嘅决定，我觉得最重要系坦白，但我唔识得坦白，变咗激嬲晒所有人。」

张致恒澄清「性上瘾」纯属失言自认易动真情

至于当年引爆「一脚踏五船」丑闻后，「性上瘾」三个字一直成为他撕不掉的标签。张致恒直言这是一生中最懊悔的失言：「点解会有『性上瘾』呢三个字出现呢？我记得做错事俾人爆出嚟之后，我返TVB拍节目，喺一厂门口记者等紧我，突然间有位记者话：『你咁样会唔会系患病？会唔会系性上瘾之类？』跟住我就回咗一句：『可能有咁嘅问题。』」他苦笑指当时纯粹想开玩笑打圆场，没料到祸从口出：「呢三个字，其实喺呢十年以嚟，对我嚟讲系一个最大嘅伤害。每一次见到标题写住『张致恒性上瘾』，系唔好受。」他承认自己性格有致命缺陷，容易对身边女性产生感情：「我由细到大都有个缺点，就系我好容易钟意一个人，只要对住𠮶个人耐咗，就好容易产生一种想同佢一齐嘅感觉。所以一直以嚟，啲人都话我系一个渣男。」